Aya's kitchen

02/03/2018

تشيز كيك بالتوت
المقادير :-
2باكو بسكويت سادة
نص كيلو جبنة كريمى
علبة كريمة خفق نص كيلو
ربع كباية سكر
معلفة جيلاتين
فانيليا
معلقتين زبدة للبسكويت
الطريقة :-
هنطحن البسكويت كويس فى الفود بروسيسور ونضيف علية الزبدة لحد ما يبقى زى الرمل المبلول كدة
هنخفق الجبنة مع السكر وبعدين نضيفلها كريمة الخفق والفانيليا ومعلقة الجيلاتين ندوبها فى مية سخنة ربع كباية ونصفيها ونضيفها للخليط فى الاخر
نخط البسكويت فى الصنية ونساوية كويس ونضغط علية وبعدين نضيف علية خليط الجبنة والكريمة
وعلى الوش هنضيف حشوة التوت الجاهزة او مربى التوت وتسقعها فى التلاجة على الاقل اربع ساعات

27/02/2018

تشيز كيك بالتوت ❤
استنوا المقادير والخطوات بالصور بليل

01/11/2017

تورتة نص ونص
عملتها بنفس المقادير بس عملت نص المقدار ابيض. ونصة كاكاو
بس هنا فصلت الصفار عن البياض عشان كنت بستخدم مضرب يدوى
والكريمة كمان جزء ابيض وجزء ضيفتلة كاكاو وضيفت مع الحشوة فواكه ومكسرات
وللتزيين فواكه وجناش شوكلاتة
طريقة الجناش:-
نص كوباية كريمة خفق سايلة مع نص كوباية شوكلاتة قطع
بسخن الكريمة لحد قرب الغليان وبعدين ارفعها من على النار واضيف الشوكلاتة واقلب لحد ما تسيح واسيبها تبرد وتاخد درجة حرارة الجو وبعدين استخدمة
وعملت وردات صغيرة فى الفاصل بين النصين عشان ميبنش الخط الى فى النص
يارب اكون افدتكم واى سؤال اتفضلوا انا موجودة

30/10/2017

تورتة بالكريمة وحشوة الفواكه والكريمة
مقادير السبونج:-
ست بيضات
كوب دقيق
كوب سكر
معلقة صغيرة بيكنج باودر
فانيليا
معلقة خل
معلقة مية
الخطوات كلها هنزلها فى فيديو بعد شوية

27/10/2017

بلح الشام طريقتة سهلة جدا وطعمة يجنن

26/10/2017