23/05/2025
تبخير عنابر الدواجن ((الخطوة سحرية لصحة الكتكوت)) 🐥✨
قبل ما تفكر تدخل كتكوت واحد للعنبر
لازم العنبر يكون نضيف ومعقّم بمعنى الكلمة! وده بييجي علي خطوات كتير أهمهم خطوة: التبخير🔥
التبخير مش مجرد رفاهية
ده سلاحك ضد البكتيريا والفيروسات اللي ممكن تبوّظلك الدورة كلها.
📌 طيب إمتى نعمل التبخير؟
قبل دخول الكتاكيت بـ 3 لـ 5 أيام.
بعد الانتهاء من التجهيز و فرش اطباق التحضين
📌 طيب نبخر بإيه
في مواد كتير جدا تستخدم في عمليه التبخير ولكن أهمهم
- الفورمالين + برمنجنات البوتاسيوم.
- مركبات الامونيوم الرباعيه
- وغيرها كتير مركبات
(بس خلي بالك، لازم تكون لابس ماسك واقي كويس زي الي في الڤيديو وانت شغال علشان المواد دي خطيرة).
📌 إزاي نعمله
– نقفل كل الشبابيك والفتحات و نكتم العنبر كويس جدا جدا
– نحط الفورمالين على البرمنجنات، هتبدأ تحصل تفاعلات وتطلع بخار.
او عن طريق الفوجر زي الڤيديو المرفق
و نسيب العنبر مقفول يومين على الأقل.
📌 *طيب ليه التبخير مهم؟*
لأنه بيقضي على الميكروبات اللي ممكن تكون موجودة في الأرضية أو الحيطان أو حتى الهوا، بيوصل للشقوق و الفواصل الي ممكن يكون صعب الوصول لها بالمطهرات
وخليك دايما فاكر إنك بتستقبل كتكوت صغير.. بس بتزرع مشروع كبير. اهتم بالتفاصيل الصغيرة علشان تشوف إنتاج كبير بإذن الله
ولو عايز تفاصيل اكتر سيبلي كومنت وانا هبعتلك رساله
