07/05/2026
🥟❤️ როგორ გაჩნდა EGOS PILMENI ბარსელონაში ❤️🥟
ეს მე ვარ. ეგო 🙈
ქალი, რომელმაც ცხოვრებაში ბევრი რთული გზა გაიარა, მაგრამ არასდროს შეუწყვეტია ბრძოლა უკეთესი მომავლისთვის.
9 წლიანი ემიგრაციის შემდეგ სხვა ქვეყნიდან ბარსელონაში ჩამოვედი. მართალია, აქ ჯერ ცოტა ხანია ვართ, მაგრამ უკვე უამრავი სითბო, სიყვარული და ადამიანური თანადგომა ვიგრძენი. ამისთვის თითოეულ ადამიანს ძალიან დიდ მადლობას გიხდით.
ამ ეტაპზე ფინანსურად რთულ პერიოდში ვარ და ჩემთან ერთად არის ჩემი 10 წლის უსაყვარლესი ბიჭი — ვაჩე. როგორც ყველა დედას, მეც მინდა მას ყველაფერი საუკეთესო ჰქონდეს.
რადგან დროებით თავშესაფარში ვიმყოფებით, მეგობრებმა თავიანთი სამზარეულო დამითმეს, რომ ჩემი საქმე დამეწყო. მათ მიმართ უსაზღვროდ მადლიერი ვარ, რადგან ჩემს გზაზე ძალიან დიდი მხარდაჭერა და იმედი მომცეს.
ერთ დღეს ვაჩესთვის და მეგობრებისთვის პილმენი მოვამზადე. როცა გასინჯეს, ძალიან მოეწონათ. სიმართლე რომ ვთქვა, სამზარეულოში გამოცდილება დიდი მაქვს და ეს ჩემთვის პირველი არ ყოფილა. სწორედ მაშინ გადავწყვიტე, რომ ჩემი სიყვარული და შრომა საქმედ მექცია.
ასე დაიბადა ბარსელონაში EGOS PILMENI 🥟
ფეისბუქზე ჩემი პირველი პოსტი დავდე და მალევე იმდენი სითბო, მხარდაჭერა და შეკვეთა მივიღე, რომ კიდევ უფრო დიდი მოტივაცია გამიჩნდა.
მადლობა თითოეულ თქვენგანს მხარდაჭერისთვის, კეთილი სიტყვებისთვის და ნდობისთვის ❤️
მე მჯერა უკეთესი მომავლის, ბევრი ახდენილი ოცნების და იმის, რომ შრომა ყოველთვის ფასდება.
