https://www.instagram.com/foodie_cyril

Cyril, Hong Kong (2026)

25/04/2026

灣仔 🚇 船街原來喺巷仔入面藏住一間勁高質嘅小店 🏢 Flagship！呢度行工業風裝修，水泥牆襯埋暖色燈光 💡，感覺好 Chill 好 Warm 🏠。佢哋主打糅合咗本地元素 🇭🇰 同西式烹調技巧 🍳，主廚對食材同埋烹飪技藝嘅執著真係喺啲菜式到體見到 👨‍🍳！

🐙 Pan seared Octopus | 香煎章魚鬚 ($148)
前菜已經令我好驚喜 ✨！章魚鬚煎到表面焦香脆口 🔥，入面依然保持到鮮嫩彈牙又唔韌 😋。配埋底層嘅特製醬汁同三文魚籽 🧡，酸酸地鹹鹹地好開胃 🤤，作為前菜真係一流！

🦀 Hairy Crab Butter Risotto | 大閘蟹膏燴飯 ($378)
呢個必食招牌菜 🥄，真係邪惡到爆 😈！燴飯底索晒大閘蟹膏 🦀 同牛油嘅鮮甜 🧈，最正係上枱前會用火槍燒一燒表面 🔥，嗰種油脂香氣真係直衝出來 👍。每一啖飯都掛滿濃郁嘅蟹粉 😍，真係 creamy 到不得了，大閘蟹控必試呀 🤩！

🐖 21 Days Dry Aged Pork | 21 天熟成厚切豬扒 ($348)
呢個豬扒都係佢哋嘅招牌之一 🌟！豬斧頭扒經過 21 日乾式熟成 ⏳，再用 12 小時低溫慢煮 🌡️。肉質呈現好靚嘅粉紅色 🥩，口感厚實得嚟勁多肉汁 💦，完全唔會乾爭爭。熟成過後嘅豬肉味比平時濃郁好多 👏，再配埋焗蒜 🧄 同香甜莓醬，入口每一啖都係咁滋味！

呢度環境夠私密 🥰，非常適合三五知己 👭 聚會或者拍拖 👩‍❤️‍👨。雖然位處鬧市 🌆，但有種遠離喧囂嘅感覺，真正體現到咩叫隱世小店 💎。

隱世😋高質👍小店
Flagship
地址：灣仔船街35號地舖

#灣仔美食 #船街 #香港美食 #隱世小店

23/04/2026

尖沙咀 🚇 嘅「殿大喜屋」絕對係日式放題界嘅 🔝 天花板！佢哋行 ✨ 高級路線，裝修高雅環境闊落坐得 🛋️ 好舒服，完全冇一般放題嗰種趕住收碟嘅 😌 壓迫感。

一坐低緊係要叫各式 🔪 刺身先，特別係佢哋有 🐟 拖羅，油脂分佈靚，入口 🤤 即溶。仲有花雕 🍶 醉鮑魚浸得好入味，淡淡酒香 🥰 帶出鮑魚鮮味。

呢度有 🖤 鱘魚籽醬任食真係好癲，配埋鱆紅魚 🐟 薄切同鮮甜嘅泰式 🦐 虎蝦，層次感爆棚！

壽司控 🍣 必嗌海膽拖羅鱈魚乾手卷，脆口嘅 🍘 鱈魚乾加上紫菜，口感更 😋 過癮！

海膽軍艦 😍 都係重點之一，用咗日本 🧡 海膽，啖啖甘甜鮮味。
佢哋有油鹽 🧂 焗膏蟹任食，隻隻 🦀 都爆晒膏，鮮味十足！仲有避風塘 🔥 炒蟹，夠晒鑊氣，蒜香味 🧄 濃郁。

估唔到呢度連 🦐 新加坡大蝦濃湯喇沙同埋油鹽焗 🍤 大頭蝦都有，而個人都幾鍾意佢哋嘅果皮蒸 ♨️ 鮮活鮑魚，十分之鮮味。

XO醬蒜蓉 🥢 粉絲蒸蟶子皇都好有水準，大大隻 🤩 好彈牙。仲有慢煮 🐟 泰式魚又香又滑又惹味。

鍾意 🌶️ 惹味嘅話，川燒珍寶 🦪 鮮蠔同泰式金不換 🔥 炒花甲都係必試之選，蠔肉肥美，花甲鮮甜無沙。

自助區 💪 竟然有大量 🧡 三文魚籽，正啊！

酒水區 🍻 簡直係酒鬼天堂，除咗 🍶 基本嘢飲，仲有梅酒、清酒、紅 🍷 白酒同啤酒任飲，CP值 💰 極高！

甜品櫃 🍰 入邊仲有花樣百出嘅甜品，我就幾鍾意佢哋嘅 🌸 花花馬卡龍，好睇又好食。雪糕櫃 🍨 仲有 Häagen-Dazs 雪糕，呢餐真係夠晒 🥰 滿足！

焗膏蟹🦀魚子醬⚫任食
殿大喜屋日本料理（尖沙咀）
地址：尖沙咀金巴利道26號1樓

#香港美食 #尖沙咀美食 #殿大喜屋 #大喜屋 #放題

21/04/2026

尖沙咀 🚇 呢間「澳門小炒皇」係正宗嘅澳門風味小炒再結合澳門融合菜式，所以幾有特色 ✨。

入邊地下鋪滿彩色地磚 🧱，充滿昔日澳門街頭嘅風味 🇲🇴，空間感比一般大排檔好，冷氣夠凍 ❄，係同朋友聚會飲兩杯嘅好地方 🍻。

天氣開始熱 ☀️，凍飲梗係唔少得，紅豆冰 🥤 充滿地道風味，紅豆 🫘 煲得好綿密，甜度適中，奶香味好重 🥛，係經典嘅舊式茶記味道。
食小炒點可以無大啤 🍺？冰凍藍妹 ❄ 送辣嘢簡直係人生一大樂事 🔥，而且戰鬥碗都雪到好冰凍，夠晒爽 🤩！

前菜泰式鳳爪個酸辣汁🌶調得好平衡，鳳爪去晒骨食落好爽脆 🤤，好開胃 ✨。

泰汁 🇹🇭 冰鎮鮑魚依家做緊試食價 $18/隻 💰，真係超值！鮑魚大隻又厚肉，口感彈牙 👏，配埋酸辣泰汁成件事升華晒。

來呢度 📍 一定唔可以錯過佢哋主打嘅澳門咖哩炒大肉蟹 🦀（腸粉底），肉蟹鮮甜而且啖啖肉 😋。最正係個底配咗腸粉 🥢，吸收晒香濃嘅咖哩蟹膏精華，腸粉滑嘟嘟又惹味 👍，好食到停唔到手！

招牌胡椒浸花甲 😍 亦都好高質，胡椒味好濃郁但唔會搶走花甲嘅鮮味，🌊 花甲厚肉飽滿而且完全無沙，個湯底仲配咗粉絲 🍜 真係好味又暖胃。

佢哋嘅椒鹽白飯魚 🐟 炸得金黃香脆，入面依然嫩滑 ✨，送酒一流 🍺，鹹香味剛剛好。

白灼薑蔥牛肩脊 🐂 亦係高質必食之選，牛肉質素極高，🥩 淥得剛剛好，肉質嫩滑有牛味 ✨，簡單配薑蔥已經帶出鮮甜感，真係簡單得來又有深度嘅 🥰 菜式！

澳門炒飯 🍚 亦都別具特色，飯粒炒得粒粒分明夠鑊氣 🔥，配料豐富鹹香十足，就算食到好飽都忍唔住裝多碗 🤤。

呢度每道菜都充滿誠意 ❤，特別係咖哩蟹腸粉底真係必試 🦀，想搵返嗰種熱鬧嘅澳門風味，嚟呢度 😆 就啱晒啦。

澳門🇲🇴風味🦀小炒
澳門小炒皇
地址：尖沙咀樂道40-46號華源大廈地庫

#香港美食 #尖沙咀美食 #澳門小炒皇 #澳門風味 #咖哩蟹

19/04/2026

💎 鑽石山荷里活廣場有唔少嘢食，想平食 💰 火鍋放題嘅話呢間「良い日涮涮鍋」係幾好嘅選擇 👍。

入邊主打日系 🇯🇵 簡約木系風格 🪵，裝修明亮得嚟仲幾有和風 🏮 feel。

最正係佢哋係「一人一鍋」設計 🍲，就算一個人 👤 嚟食都完全唔會尷尬 😅，仲可以揀自己鍾意嘅湯底 ✨！

🥣 湯底方面，我同朋友✌️分別試咗兩款：
🧄【豚骨黑蒜湯】：入口有淡淡黑蒜味，蒜香味同肉類 🥩 非常之夾 😋。
🐂【胡椒和牛湯】：呢款就比較清爽帶點辛辣 🌶️，胡椒味好提神 ⚡，用嚟淥牛都幾唔錯 👌。

🐮【特選穀飼牛】：肉質結實 🥩 得嚟有牛味 🐮，油花分佈平均 👏。
🐷【豬肩肉】：切得夠薄 🔪，淥兩下 🥢 就食得，食落好爽口 🐖。
🐔【雞腿肉】：估唔到雞肉都咁滑 ✨，煮耐少少都唔會韌 🍗。

👅【牛舌】：私心推介 ❤️，薄切得嚟帶點嚼勁 🐮，加埋黑蒜湯一齊食 🍲 簡直係絕配。

自助區都好豐富，調味料區 💪 琳瑯滿目，可以自己調配 🥄 心水醬汁。

飲品方面除咗基本嘅汽水 🥤，仲有果汁 🍹 同埋茶 🍵。

🥬 蔬菜同菇類 🍄 全部都好新鮮，洗得 🚿 好乾淨。

🍲 火鍋配料由丸類到各式麵食 🍜 都有。

🍦 甜品有雪糕同埋蕨餅 🍡，食落都算唔錯。

平食💰一人一🍲涮涮鍋🥢放題
良い日涮涮鍋
地址：九龍鑽石山荷里活廣場第3層311B

#香港美食 #鑽石山美食 #荷里活廣場美食 #良い日 #一人一鍋

18/04/2026

九龍城有「小泰國」🇹🇭之稱，如果要搵間老字號、夠地道又高CP💰嘅泰菜館，金麥泰絕對係我嘅心頭好❤️！

佢喺九龍城屹立多年👍，裝修雖然唔係行高級路線，但嗰種泰國街頭餐館嘅氛圍感滿滿✨，入到去真係好似飛咗去曼谷咁✈️，充滿人情味。

食泰菜🌶️點可以冇奶茶🧋？呢度嘅茶底夠濃郁☕，唔會俾啲冰🧊沖淡晒。奶味同茶味平衡得幾好👏，甜度適中，飲落去好消暑😎，爽！

泰式老虎笑（燒肥牛）🐂係呢度嘅名菜，肥牛燒到邊位焦香🔥，入面仲保持到粉嫩 juicy🥩。重點係佢個自家製酸辣汁🌶️，點一點之後，牛肉嘅油香即刻昇華咗✨，好惹味，真係好食到老虎都識笑😆！

泰式明爐梅子魚🐟用明爐上枱，熱辣辣滾住咁食魚肉鮮甜🔥，最驚喜係個湯底，🤤梅子嘅酸甜味滲透入魚肉度，😛酸酸地好開胃。

泰式紅咖喱雞🐔奶香好突出，質地濃稠度啱啱好👍，雞肉索晒咖喱汁嘅精華🍛，口感滑溜。呢個咖喱配飯🍚真係一流！

全晚嘅 Must Order Item 🌟一定係泰式椰青海鮮焗飯，佢係原個椰青🥥上枱嘅，賣相 100 分！頂部淋咗層厚厚嘅香濃椰漿😋，再灑上肉鬆，視覺效果十足👀。入面亦都好足料：大蝦🍤、爽口魷魚🦑、青口等，應有盡有。每一粒飯🍚都充滿椰香，夾雜埋海鮮嘅鮮味🌊同肉鬆嘅鹹香，層次感好豐富，😍係我食過數一數二正嘅椰青焗飯！

超高💰CP👍正宗🇹🇭泰菜
金麥泰泰國菜館 (九龍城)
地址：九龍城福佬村道12號地下B號舖

#九龍城美食 #泰國菜 #金麥泰 #香港美食

14/04/2026

大阪市中心 🏙️ 原來收埋咗一個好 Chill 😎 嘅世外桃源：有超過 110 年歷史嘅天王寺動物園 🦁 ！

雖然佢係一個 😆 比較「高齡」嘅動物園，但近年翻新 ✨ 咗好多區域，呢度最正嘅打卡位係可以將河馬 🦛 、犀牛同背景嗰棟勁現代化嘅摩天大廈影埋一齊 📸 ，嗰種「都市 vs 自然」嘅對比感真係幾震撼 👏 。

當然唔少得園內嘅 🤩 大明星：北極熊 🐻‍❄️ ！睇住佢哋喺水入面游嚟游去 🏊 ，上水食埋嘢 🍎 ，真係好治癒 🥰 。

重點係呢度嘅門票 🎫 超平，只需 500 円 💴 ！地點又方便 📍 ，行完去隔籬新世界 ⛩️ 食返餐串揚就啱晒喇 🍢 ！

超🤩抵玩💰動物園🦛
天王寺動物園
地址：大阪府大阪市天王寺區茶臼山町1－108

#大阪旅遊 #天王寺動物園 #大阪景點 #日本自由行

13/04/2026

肉食獸 🥩 注意！深圳 🏙️ 呢間「艾雷牛排馆 LA.Prime Steakhouse」你一定唔可以錯過，因為佢哋嘅 🧈 牛油熟成牛扒 🥩 真係超正！而且仲有 🇭🇰 港人專屬優惠上去食「牛油熟成 1KG 大斧頭扒雙人餐」原價 RMB 990，只要出示 🪪 回鄉證即減 RMB 100，即係 RMB 890 就食到 💰，性價比十足！

佢哋裝修 😊 走高端美式扒房路線，充滿住經典 🗽 紐約扒房嘅復古感，深色皮革座椅同埋 🛋️ 絲絨梳化加埋昏暗燈光，情調感滿滿 🕯️！

餐包 🥂 Welcome Drink ，House Wine 🍷入口順滑，果香味重；Mojito 就 🍹 清新解膩，薄荷葉夠晒新鮮 🌿，一掃夏日悶熱。

麵包配 🍞 香草牛油都幾高質，麵包質感 ☁️ 好鬆軟，搽埋嗰個厚厚嘅香草牛油 🧈，真係忍唔住食完一件又一件。

秘魯酸橘汁 🍊 鯛魚呢道開胃菜幾有驚喜 🤩，鯛魚塊大大件夠晒鮮甜 🐟，配埋酸橘汁嘅酸爽，瞬間打開味蕾 ✨，非常清新。

法式 🇫🇷 焗蝸牛係經典法式口味，蝸牛 🐌 大隻又彈牙，配埋佢啲薯蓉一齊食 🥔 一流。

今日嘅主角 🌟 牛油熟成和牛戰斧 A2 有成 1KG ⚖️ 咁重，上枱嗰陣真係幾 😍 震撼，師傅用牛油包封住 🧈 來熟成，鎖死晒肉汁，我哋揀咗三成熟肉質呈粉紅色 🥩，放喺熱碟上邊會令佢慢慢再熟啲，牛油嘅香氣滲透入和牛每一吋纖維 🐮，食落去有種淡淡嘅堅果奶香味，油脂感豐富得嚟唔會膩，啖啖肉 🤤 超滿足！

最後甜品 🍰 係佢哋招牌人氣巴斯克芝士蛋糕，中間係流心狀態 🧀，芝士味濃郁，帶少少焦香味 ✨，為呢餐畫上完美句號。

頂級👍牛油🧈熟成🥩斧頭扒
艾雷牛排館 LA.Prime Steakhouse
地址：深南大道2005号卓悦中心北区L1层N113-N114

#深圳美食 #黃油熟成牛排 #艾雷牛排馆 #斧頭扒

13/04/2026

平時食 🍣「美登利」單點就食得多，今次終於 🥢 嚟到沙田分店試佢哋嘅 😋 晚市放題！依家做會員仲有$100 優惠劵送（加一前正價消費滿$500可用）添。
成為會員連結：https://short.storellet.com/Midori

沙田店裝修 ⛩️ 簡約和風，空間感足，坐得幾 🛋️ 舒服，最啱同朋友仔 😆 來大擦一餐！

晚市放題 🌙 只需 $298，呢個價錢食到 🍣 美登利，仲要係放題任食 🤤，19:00前離座仲有9折，真係超 💰 划算！

一坐低會 🪑 先上精美頭盤，有吞拿魚腩蓉 🐟 拼三文魚籽海膽迷你丼，入口即溶；仲有油甘魚腩同 🍣 吞拿魚腩嘅壽司同刺身，油脂分佈超靚，油香十足 ✨，係一個好正嘅好開始！

呢度放題雖然唔包嘢飲，但就有 🥣 三款味噌湯任飲。個人強烈 🌟 推介蜆肉味噌湯，入面真係有唔少蜆肉，陣鮮味 😋 零舍突出，暖胃 🧡 一流。

前菜 🥗 方面，款式都幾多，我個人推介牛油果 🥑 海鮮沙律。用料十足，完全冇欺場，食落 😌 爽口開胃，可以平衡返之後食壽司嘅 🍣 膩感。

呢度主打 🥢 壽司任食，不過刺身 🔪 都有四款基本款：吞拿魚赤身、三文魚 🐟、油甘魚同 🦐 甜蝦。每一片都切得厚薄 👍 適中，非常鮮味。

重點 ✨ 嚟喇，呢度有超過 🍣 80款壽司、軍艦、卷物 😍 等，真係揀到眼都花埋。

火炙 🔥 系列大推火炙吞拿魚腩 🐟，燒過之後 🥰 魚油香氣更 👏 濃郁。

火炙 🧈 牛油系列幾特別，個人認為必試大赤蝦 🦐，牛油香配埋鮮甜 🍤 蝦肉，層次感 😊 豐富！

卷物方面，特級香蔥 🐟 吞拿魚腩卷超級 👍 足料，啖啖 🤤 都係魚腩蓉。

仲有 🦀 蟹肉蟹膏細卷，蟹膏味 🤩 好濃郁，入面仲有 👏 唔少蟹肉，高質！

海苔包 🍙 方面，香蔥海鮮 🌊 海苔包口感豐富，紫菜 🥢 仲好脆口添。

食到 😋 咁上下，一定要點埋小食，汁煮魚鲛 🐟 煮得非常入味，魚肉 😍 嫩滑；天婦羅 🍤 盛合炸得鬆脆，又唔會覺得好油膩。

最後 😎 仲有一人一杯 Häagen-Dazs 🍨 雪糕做甜品，為呢餐畫上完美 ✨ 句號。

總括 📝 嚟講，$298 呢個質素 👍 真係冇得輸，鍾意 🍣 食壽司嘅朋友一定要來呀！

人氣🔥高質👍壽司🍣任食
梅丘壽司の美登利總本店 .hk
地址：沙田沙田正街18-19號新城市廣場一期7樓703號舖

#香港美食 #沙田美食 #美登利 #壽司放題 #日本料理香港食評性價比高吞拿魚腩海膽任食壽司新城市廣場梅丘壽司の美登利 HKFoodie ShatinFood SushiLover HongKongEats 放題推介刺身 FoodieCyrilStyle 週末好去處

12/04/2026

今次我去咗梅田 📍 朝聖呢間老字號「魚心本店」 🏮 。呢間嘢喺大阪 🇯🇵 壽司界都幾有地位，而且歷史悠久，最出名就係「豪快」 💥 兩個字，即係啲魚生 🐟 大塊到完全遮住晒啲飯，真係好震撼 🤩 ！佢同江戶前 🍣 壽司嗰種精緻細膩，形成咗強烈 🆚 嘅對比。

一入到舖頭，裝修係好傳統 🎌 嘅日式居酒屋感覺，最吸引 🤩 我嘅係佢有個大魚缸，入面有新鮮 🌊 嘅貝類同埋蝦 🦐 ，即叫即處理，新鮮度爆棚！

呢度嘅貝類壽司大到好誇張 😲 ！北寄貝、赤貝同馬刀貝 🌊 爽口彈牙，鮑魚直頭係厚切 🔪 ，咬落去嗰種鮮甜味 👅 喺口入面大爆發 💥 ，完全無得輸。

藍鰭吞拿 🐟 嘅赤身肉質紮實，中拖油脂豐富 ✨ 香軟嫩滑，大拖羅 😍 嗰種入口即溶嘅口感，真係超正 👍 啊！

仲有火炙 🔥 拖羅，經過火槍燒過之後，油脂 💦 嘅香氣噴晒出嚟，真係極致 🤤 美味！

煙熏 💨 鰹魚刺身 🐟 睇現咗佢哋師傅 👨‍🍳 嘅功架，鰹魚用煙熏處理過，帶有一種獨特嘅稻草 🌾 香氣，帶出魚肉嘅鮮紅美感，食落層次 🥢 分明。

呢度嘅松葉蟹壽司 🦀 用料十足，松葉蟹腳 🥰 長到過晒界，上邊加咗少少 🥄 蟹膏令到個鮮味 😋 更有層次感。濃郁嘅蟹膏配蟹肉軍艦 🍣 亦都同樣咁高質，滿滿嘅鮮甜味簡直係極致 👏 嘅享受。

仲有多款清雅 🤍 嘅白身魚壽司，味道 🤤 比較清爽，正好洗一洗味蕾，口感爽嫩。佢哋嘅 🦐 蝦壽司係喺魚缸即撈即 🔪 處理，鮮甜度 🌟 爆燈！

三文魚 🍣 壽司油花分佈平均，配埋粒粒 🟠 爆漿嘅三文魚子，鮮味 🤩 double up。

巨型 🐟 鰻魚壽司都算係魚心 🏮 嘅 Signature，塊鰻魚長過 📏 部手機，塗上特製甜豉油，啖啖肉 😋 超滿足。

估唔到喺度都食到馬肉 🐴 刺身，色澤鮮紅 🔴 ，食落去比想像中鮮甜而且無羶味，幾有 😊 驚喜。

白飯魚 🐟 軍艦一樣用料十足，成座白飯魚山 ⛰️ 咁堆起，鮮味滿滿。

想要 😍 體驗乜嘢叫「大件夾抵食」 💰 嘅正宗大阪 🇯🇵 豪快壽司，呢間絕對係 👍 Top Pick！

巨型🤩刺身🐟豪快🍣壽司
魚心本店
地址：大阪府大阪市北区堂山町5-4

#大阪美食 #大阪探店 #魚心本店 #豪快壽司 #巨型壽司

09/04/2026

九龍灣🚇德福呢間「肉肉大米」🥩喺呢度長期嘅排隊店，呢度全部位🪑都係圍住開放式廚房嘅吧枱，可以近距離👀睇住師傅煎漢堡排🔥，每人面前都有個專屬保溫鐵板，確保你食到最後一啖😋都係熱辣辣。

點好餐坐低🥣就會送上花甲味噌湯，入面有唔少🤩肥美花甲肉，鮮味十足🌊，唔會死鹹✨！

仲有佢哋嘅白飯🍚係用咗店內每日新鮮精米🌾嘅日本紅蝗米煮嘅🇯🇵，粒粒飽滿香甜軟糯🤤又充滿米香，正呀👍！

西蘭花🥦雖然係配角，但爽口又清新，食咁多肉🥩平衡返就啱晒。

呢三樣都可以無限添加♾️，真係大滿足啊🥰。

第一塊一定要食原味先🥩，師傅喺你面前即煎，放喺保溫板上♨️仲係吱吱聲。佢哋嘅漢堡排🥩係用咗美國牛🇺🇸加日本和牛🇯🇵製作而成，肉質鬆軟得嚟好有油香😍，肉汁十分之豐富💦。

將隻流心生雞蛋黃🍳撈埋秘製醬油，淋落件肉度🥩，再配埋嗰啖日本紅蝗米飯🍚，簡直係一流💯！

和牛芝士漢堡排除咗有塊😋大芝士喺漢堡排上邊之外，職員會攞舊大芝士🧀過嚟新鮮即刨👨‍🍳，好似落雪咁落到成座山咁高🏔️。芝士受熱微熔，包裹住厚身嘅漢堡排🥩，鹹香味十足，芝士控必定愛上💛！

佢哋仲周不時有期間限定✨口味漢堡排，呢期係番茄紅燴漢堡排🍅，番茄醬汁調配得啱啱好🥣，酸酸甜甜非常解膩🤤，入面仲有碎煮番茄塊🍅，口感好豐富🥰。將啲飯撈埋呢個紅燴汁一齊食🍚，真係超正啊💥！

新推🎊滋味🍅番茄紅燴🥩漢堡排
肉肉大米 (九龍灣) .hk
地址：香港九龍灣偉業街33號德福廣場1期1樓F23號舖

#肉肉大米 #九龍灣美食 #德福廣場美食 #香港漢堡排 #和牛漢堡排

07/04/2026

銅鑼灣 🚇 呢間「狸小路」一向 🏮 係我心水 💖 嘅日式涮涮鍋好去處，雖然佢店仔細細，但係 🥩 供應嘅肉類質素高，價格實惠 💰 CP值滿滿！

最近 🆕 佢哋仲推出咗獨特 🍊 嘅柚子胡椒湯底，佢 🥣 底蘊係用多種魚骨 🐟 同埋香菇 🍄 慢火熬成，鮮甜 😋 得嚟完全唔油膩。最正 ✨ 係入面加咗新鮮 🌿 柚子皮，一啖落去先係清新 🤩 嘅柚子香，隨之 🌶️ 而嚟係胡椒嘅微辣 💥 刺激，層次感 🌊 極豐富，呢個新湯底 🍲 真係誠意之作！

配 🇯🇵 北海道米豚五花簡直係絕配 🥢，豚肉油脂 🤤 豐腴，配埋酸酸辣辣嘅湯底，完全 👏 平衡咗膩感，食落 😌 好舒服！

海膽控 🧡 —定要點北海道海膽 🌊 高湯，呢個湯底 🥘 入面真係見到一塊塊 🥄 北海道海膽，湯頭 👍 極之濃郁甘甜。

我哋配咗 A4+ 和牛赤身 🥩，肉質雪花分明，入口 🥰 鬆化又唔會太過肥膩。將和牛 🥢 輕輕喺海膽湯度焯一焯，鮮味 😋 加倍爆發，簡直 👅 係味蕾嘅高級享受。

呢度每個餐都會跟埋精緻 🥗 前菜，主食方面可以揀北海道🍚 米飯、烏冬或者拉麵 🍜，加埋入去湯底度煮，索晒 💦 湯底精華真係一流！

叫柚子胡椒湯仲可以用 💰 $10 期間限定優惠價加配日本柚子梳打 🥤，清新解渴 ❄️。
另外我哋仲叫咗杯海鹽 🌊 白桃梳打，淡淡 ✨ 海鹽帶出白桃 🍑 甜味，配埋熱騰騰 🔥 嘅火鍋，一凍 🧊 一熱好滋味！

最後 🍰 仲有日式捲蛋做甜品，蛋香 🥚 濃郁，忌廉 😆 滑溜，食完真係超滿足。

高CP🇯🇵日式🍊柚子胡椒🍲涮涮鍋
狸小路北海道涮涮鍋、壽喜燒、和牛專門店
地址：香港銅鑼灣禮頓道128-138號希雲大廈地下4號舖

#香港美食 #銅鑼灣美食 #狸小路 #北海道涮涮鍋 #和牛

06/04/2026

旺角 🚇 呢間「牛牛鮮」傳承潮汕人對牛肉部位嘅極致追求，主打高質 👍 手切潮汕牛 🥩 火鍋放題，配上多款潮汕風味火鍋湯底 🥣，難怪經常都人頭湧湧。

我哋揀咗 🍲 鴛鴦鍋（潮汕牛骨清湯拼酒糟·糟粕醋），牛骨清湯超級清甜 😋，最能食出牛肉原汁原味；糟粕醋就帶微酸微辣 🌶️，陣陣酒糟香，味道有層次又 🤤 開胃！

點好餐 📋 就會送上 🥩 手切牛肉圈
五花趾 🥩：口感極之爽脆 💥 彈牙，肉質紮實。
匙柄 🥩：中間帶條細筋 🥢，肉質鮮嫩。
雪花 🥩：脂肪紋路超靚 ✨，入口即化，油香十足。
吊龍 🥩：牛味最濃郁 🐂，肥瘦均勻。
牛胸油 🥩：雖然係脂肪但入口爽口 👍 唔油膩！

另外仲有美國 🇺🇸 特級牛板腱同埋美國特級肥牛片 🥩，肉質都好有水準，肉汁豐富 👏。

呢度仲有原味💪手打潮汕牛丸同埋陳皮潮汕手打 🐂 牛丸，咬落去彈牙爆汁 💥，我特別鍾意陳皮味，多咗份果香 🍊，層次感十足。

我哋揀嘅 B 餐仲送海鮮 🦐 拼盤，有鮑魚、桶蠔 🦪、海蝦、沙白，估唔到送嘅海鮮都咁高質👍！

另外手工蟹籽蝦滑 🦐、手工黑松露蝦滑、手工墨魚滑 🦑 全部好彈牙，個人最推介黑松露 🍄 蝦滑，啖啖都有濃郁嘅黑松露香 ✨。

小食方面必食 🥢 黑糯米醋骨，係佢哋同八珍甜醋聯成嘅限定 🌟 食品，排骨 🍖 吸晒八珍甜醋嘅酸甜，排骨鬆化軟腍又開胃 😋！

仲有天婦羅 🍤 四季豆、天婦羅茄子、鹹蛋黃炸魚皮 🐟、椒鹽花枝丸、孜然手抓骨、避風塘粟米 🌽。呢度小食款式都幾多 👏，尤其鹹蛋黃魚皮同手抓骨勁惹味 🤤！

自助區有勁多嘢飲 🥤、火鍋配料、同埋雪糕 🍨 任食，大胃王 🍽️ 實滿足到！

最後食埋碗 🥣 紅棗桃膠雪耳糖水，清甜滋潤 🥰，Perfect ending 👍！

高質👍手切🔪潮汕牛🥩放題
牛牛鮮
地址：香港旺角彌敦道628號瓊華中心9樓

#旺角美食 #香港美食 #牛牛鮮 #潮汕牛肉火鍋 #牛肉放題

Cyril

25/04/2026

23/04/2026

21/04/2026

19/04/2026

18/04/2026

14/04/2026

13/04/2026

13/04/2026

12/04/2026

09/04/2026

07/04/2026

06/04/2026

Address

Website

Alerts

Shortcuts

Share