Konoba Mlin

Konoba Mlin Od domaćih klasika do modernih pjatov. Dičina za špaheron, kuhaju SVE U ŠESNAJST, a ja dežurna i prigovaran.👵🏻
11:00 - 23:00
Rezerviraj mesto!

Celo more na jednon pjatu! 🌊🐟Kad se naruči riblja plata, na tavuli prava ikebana od mora!Nutra sve ča valja: gospoja ora...
08/07/2026

Celo more na jednon pjatu! 🌊🐟

Kad se naruči riblja plata, na tavuli prava ikebana od mora!

Nutra sve ča valja: gospoja orada, friške lignje, dagnje i vongole ke mirišu na morsku mrižu, i naravno — kralj našega mora, škamp.

A da sve to bude kako treba, ovde je i naša domaća blitva i kunpir ku hitamo na pijat ko da nemamo s čin nego lopaton, sve lipo zalijemo maslinovin uljen, hitimo barbatskog češnjaka i STANI PANI!

Jadna me mater rodila kad ovakov pijat treban objašnjavat - prije je bilo da slika vridi hiljadu riči!

A sad i sliku tribuje tumačit, kako da su svi zamlačeni!

Ala, ne napinjite, nego dojdite i hote ist! 🌊🐟

Ako baba digne glas, ne znači da je gladna znači da je ubed gotov 😅KI prvi dojde, prvi odabire!KI kasni, ne pita “ča ima...
06/07/2026

Ako baba digne glas, ne znači da je gladna znači da je ubed gotov 😅

KI prvi dojde, prvi odabire!
KI kasni, ne pita “ča ima”, nego “ča je ostalo”.

I nemojte doć samo ’’na brzinu’’ u nas se i “brzina” zadrži za tavulon.

A ako van se učini da se čuje malo previše žlic, pirunov i prsur
to ni kaos to naš limeni orkestar ima probu!

Uživajte svakin dan od 9 do 11

Ulaz besplatan iće i piće se plaća!

Ala moji BOG tankih san živcev.

Dico moja,mislite vi da se ova naša lipa teraca redi sama od sebe?Eeee, ovi moji nenaspanjaci jedva čekaju da se latu kr...
03/07/2026

Dico moja,
mislite vi da se ova naša lipa teraca redi sama od sebe?

Eeee, ovi moji nenaspanjaci jedva čekaju da se latu krpice i metle!

Odred za čistoću prolazi tri inspekcije, a onda dojden ja, i onda in rečen: “AJMO SVE NANOVO!”
A kako drukčije?
ČA ĆE SE SAMO?
Ako ja ne provjerin svaki kantun, šporkica ko da je dobila trajni nalog!

Oni me pazu ko da san ANAKONDA S TRI GLAVE!
“NE VALJA! NIJE DOBRO! NIKAD NISTE ZADOVOLJNI!” - E pa nis!
Ča si misli ležat i fumat? E pa to usebe doma čini, u mene nećeš!
Ovde se zna: RED I ŠEST!

Naša Dina lipojka pazi na svaki detalj, neće njoj promaknut suhi cvet i je MERLIĆ pravo ili naopako!
A još kad vas dočeka njezin lipi smišćić, dan je odmah lipši!
Ona van je ko REGEN, njoj ne more promaknit ni listić, još svih odmiri s onon svojon pametnom glavicon!

Ljudi moji, ma ni van konoba samo spiza, konoba je duša, onaj osjećaj da si došal doma.

Zato hitite mobiteli zruk i hote IST!

P.S. A NOVA TERACA KOMING SUN!

Čekamo vas!

Manje mislit, više uživat!

Ala moji bog! Ljubi Vas BABA!

ČA? KI? TI?Dojdi na kolač!U zadnje vrime kad ideš nekud na slatko sve neki kolačići od tri centimetra, puni pine, želati...
02/07/2026

ČA? KI? TI?

Dojdi na kolač!

U zadnje vrime kad ideš nekud na slatko sve neki kolačići od tri centimetra, puni pine, želatine i glazure!

Lipo za slikat, nemaš ča al kad poideš komad, nikud duše, a bome ni slasti!

Kod nas nema foliranja. 🥰

Ricetu ne pitajte! Jer van i vako neću reć!

Dojdi i provaj!

📍 Obala Kralja Petra Krešimira IV 38, Novalja
📞 Svoje mesto rezerviraj na vrime!

Dico moja,ima li ča lipše na ovome svitu nego kad projde letnja žega, nebo poprimi onu zlatno-rozu boju, a s mora zapuše...
30/06/2026

Dico moja,

ima li ča lipše na ovome svitu nego kad projde letnja žega, nebo poprimi onu zlatno-rozu boju, a s mora zapuše lagani maestral?

To je ono vrime kad se nagaraju sviće na stolima kad Mlin postaje najlipše mesto pod suncen (i misecon)!

Dok se dan pomalo gasi, naša kuhinja tek nagara pravi motori jer nakon kupanja i lutanja, nema boljeg nego sest u miran hlad naše terace, natočit mrzli žmulj i čekat da dobri ljudi donesu teplu domaću spizu.

Nikud van se ne žuri, ovde skupljate lipe uspomene ke ćete zet doma.

OPUSTITE SE I UŽIVAJTE!

Ala moji, bog! 👵🏼

📍 Obala Kralja Petra Krešimira IV 38, Novalja
📞 Rezerviraj svoju tavulu na vrime, jer u zlatnu uru se traži mesto više!

Dico moja, kad sunce upeče, a glava nakon duge noći i plesa postane vela i teška ko Velebit zaboravite na moderni prah,...
29/06/2026

Dico moja, kad sunce upeče, a glava nakon duge noći i plesa postane vela i teška ko Velebit zaboravite na moderni prah, vitamini i kemiju.

Zna se ča vas jedino more dignut med živih!

JUŠICA OD GOVEDINE!

Kuhamo je pomalo s puno verdure i komadon pravoga mesa, baš onako kako su je naše babe kuhale nediljon!

Prva žlica grije dušu, druga otvara apetit, a treća vas diže na noge da morete opet u život!

To je prava domaća infuzija.

Dojdite na marendu, okripite telo i osjetite okus pravog doma.

Manje mislit, više ist!

Ala moji, bog! 🍷

Dico moja, ima stvari ke se ne moru kupit šoldima i ke ne more zatrit vrime.Jedna od njih je i naš vridni ručni rad!Mu...
26/06/2026

Dico moja,

ima stvari ke se ne moru kupit šoldima i ke ne more zatrit vrime.

Jedna od njih je i naš vridni ručni rad!

Muka i trud ku su naše vridne babe i matere s toliko ljubavi i strpljenja plele kroz stoljeća.

Svaki bod jedna štorija!

Svaki punat jedna molitva!

Tabletić, koltra ili merlić jedna radost oli briga čuvana u famelji i prenešena s kolena na koleno.

To je naša gravura, naša povist ku s ponosom držimo i čuvamo!

Dok sedite u našem hladu i uživate u spizi, hitite oko na ovu lipotu oko sebe jer u tome kuca srce svake naše babe i matere!🌊

NAŠ PONOS I DIKA!

Čuvajmo svoje, da nebi zaboravili
ki smo!

Dojdite nan opet i uživajte u tradiciji ka ne umire.!

Ala moji, bog! 🍷

📍 Obala Kralja Petra Krešimira IV 38, Novalja

Moderno je lipo, ali bez tradicije i korenov si NIŠ! 👵🏼Vidin ja, došlo neko novo vrime. Sve mora bit ‘GURMENT’, nakapano...
25/06/2026

Moderno je lipo, ali bez tradicije i korenov si NIŠ! 👵🏼

Vidin ja, došlo neko novo vrime.
Sve mora bit ‘GURMENT’, nakapano sa svake bande pjata po tri kapi umaka, pa ti donesu porciju ko da je za piplića, a ne za čovika.

I onda posli takove vičere moraš nazvat COCA da ti donese doma ist!

E, kod babe u Mlinu TOGA NEMA!

Kad ti donesemo pjat, onda znaš da si sel ist ko čovik.

Mi te doma pustit gladnoga NEĆEMO.

PIjati veli i obilati!

Pustite vi pjenicu sa morskog žala i modu za Instagram!

Dojdite nan u Mlin, natočite žmulj mrzlog i uživajte kako se uživalo oduvik.

Kaparaj svoju tavulu na vrime.

Ala moji, bog! 🍷✨

📍 Obala Kralja Petra Krešimira IV 38, Novalja

Javili su nan dušebrižnici: “Lignje su van se smrzle:Dajemo van JEDAN, JEDAN, JEDAN..”ĆEPALI STE NAS! Planirali smo inst...
24/06/2026

Javili su nan dušebrižnici:

“Lignje su van se smrzle:

Dajemo van

JEDAN, JEDAN, JEDAN..”

ĆEPALI STE NAS!

Planirali smo instalirat podvodni dron ki direkt iz mora nosi lignje u brašno, al’ ovaj naš MENADŽMENT ZA URGENTE STVARI ne da pare, škrtavi!

Jedno ako TEMU ima rešenje moren naručit!

Pa da ja u KINEZA verujen! 😀

Ka šteta da nismo živu hitili u ulje bila bi žilava ko opanak od starih postolov!

🦑Ako tražiš mesto da se dobro naideš do 23:00 lipo dojdi taman smo s jedinicamin špaher potakli!

Voli vas BABA! 🍷🔥

Address

Obala Kralja Petra Krešimira IV Br. 38
Novalja
53291

Opening Hours

Monday 09:00 - 23:00
Tuesday 09:00 - 23:00
Wednesday 09:00 - 23:00
Thursday 09:00 - 23:00
Friday 09:00 - 23:00
Saturday 09:00 - 23:00
Sunday 09:00 - 23:00

Website

Alerts

Be the first to know and let us send you an email when Konoba Mlin posts news and promotions. Your email address will not be used for any other purpose, and you can unsubscribe at any time.

Shortcuts

Share

Category