ANNABeleef

20/07/2026

🤍 My beker loop oor......

Ek weet eerlikwaar nie hoe om dankie te sê nie.

Sedert Carte Blanche uitgesaai is, het ek boodskappe, navrae en bestellings van regoor Suid-Afrika ontvang. Elke e-pos, WhatsApp, oproep en bestelling het my diep geraak.

Vir baie is dit dalk net koffie. Vir my is dit soveel meer.

Dit is 'n droom wat stadig maar seker vorm aanneem.
Dit is betekenisvolle werk vir siggestremde mense wat elke pakkie met trots verpak.
Dit is hoop.
Dit is geloof.
Dit is mense wat besluit om op te daag en mekaar te ondersteun.

Ons praat dikwels oor hoe ons Suid-Afrika wil sien groei.......dít is hoe dit gebeur.

Wanneer ons plaaslik ondersteun.
Wanneer ons agter klein ondernemings staan.
Wanneer ons kies om mense se stories deel te maak van ons eie.

Van Worcester......tot in huise regoor Suid-Afrika.

Dankie dat julle in ANNA glo.
Dankie dat julle hierdie storie saam met my leef.
My hart en my beker, loop oor. 🤍

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNAlize
BELEEF | INSPIREER | LEEF

09/07/2026

🤍✨ 'n Besonderse oomblik vir ANNA! ✨🤍

Met groot dankbaarheid deel ons dat ANNABeleef hierdie Sondag om 19:00 op Carte Blanche te sien sal wees.

Hierdie is soveel meer as net 'n televisie-insetsel. Dit is 'n geleentheid om die storie agter ANNA te vertel – van gemeenskap, mense wat mekaar dra, goeie koffie, nuwe geleenthede en die geloof dat klein dade 'n groot verskil kan maak.

Dankie aan elke kliënt, vriend, ondersteuner en spanlid wat deel is van hierdie reis. Julle het gehelp om hierdie droom te bou, en hierdie oomblik behoort aan elkeen van julle.

📺 Skakel Sondag om 19:00 in op Carte Blanche en beleef saam met ons hierdie besonderse hoofstuk.

Ons sien uit om dit met julle te deel. 🤍☕

08/07/2026

07/07/2026

Vandag was die laaste van ons twee Koekiebak-klasse by ANNA – en wat 'n voorreg was dit om soveel kreatiwiteit, opgewondenheid en kinderlag in ons tuin te beleef.

Van die uitrol van deeg en die versiering van koekies tot die groot glimlagte toe elkeen hul eie skeppings kon huis toe neem....elke oomblik was besonders. ✨

'n Groot dankie aan elke kind wat deel was van hierdie twee dae. Julle het ANNA gevul met vreugde, energie en soveel mooi herinneringe. Dankie ook aan al die ouers vir julle vertroue, en aan ons span wat met liefde gehelp het om alles moontlik te maak.

'n Baie spesiale dankie aan Juanita wat hierdie klasse met soveel liefde, geduld en entoesiasme aangebied het. 🌸

En aan my ongelooflike personeel – dankie vir elke helpende hand, elke ekstra tree, elke glimlag en al die harde werk agter die skerms. Julle maak dit vir my moontlik om hierdie droom te leef en ek waardeer elkeen van julle opreg. 🤍

Ons sien reeds uit na die volgende vakansie-aktiwiteite. 🤍

By ANNA gaan dit nie net oor wat ons maak nie....dit gaan oor wat ons saam beleef. 🌿🍪💛

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

05/07/2026

Vanmiddag was dit vir ANNA 'n voorreg om die genomineerdes van die BWMM Women of Excellence Awards vir 'n "Meet & Greet" te verwelkom. ✨

'n Kamer vol inspirerende vroue, elkeen met haar eie verhaal van deursettingsvermoë, diens en moed.

Terwyl ons saam om die tafel gekuier het, is ek weer herinner dat ware sukses nie net gemeet word aan wat ons bereik nie, maar aan die lewens wat ons aanraak.

Baie dankie aan die organiseerders vir die geleentheid om deel van hierdie besondere middag te wees. Dit was vir ANNA 'n eer om julle te ontvang.

En aan elke genomineerde – mag julle aanhou om lig te bring waar julle gaan. Julle stories maak saak, en julle maak 'n verskil.🤍

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

🌻

03/07/2026

Party dae laat 'n mens net weer besef hoekom jy begin het......🤍

Vandag was een van daardie dae.

Ons het soveel mooi terugvoer van kliënte ontvang. Van vier tannies wat net wou dankie sê. Van gaste wat weer en weer terugkom. En van besoekers wat spesiaal genoem het hoe lekker dit is om by 'n plek te kom waar hulle 'n ordentlike, warm cappuccino kan geniet.

Nog gaste van die Strand het vandag ook ons koffie uitgesonder. Dit het my die geleentheid gegee om die storie agter ons koffie met hulle te deel – dat elke pakkie ANNABeleef-koffie met sorg by Innovation for the Blind verpak word deur mense met siggestremdheid. Hulle was só beïndruk dat hulle sommer daarna self daar gaan kuier het om meer van die wonderlike werk te sien.

Dit herinner my weer dat 'n koppie koffie soveel meer kan wees as net koffie. Dit kan 'n storie vertel. Dit kan mense verbind. Dit kan hoop skep.

Dankie aan elke persoon wat by ANNA instap, ons ondersteun, terugkom en die moeite doen om vir ons mooi boodskappe te stuur. Julle aanmoediging beteken meer as wat julle ooit sal besef.

Ons sien uit daarna om nog baie koppies koffie, lekker kos en kosbare herinneringe saam met julle te deel. ☕🤍

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

01/07/2026

🌾🍝 Drie dae. Drie klasse. Tientalle klein hande. Honderde herinneringe. 🤍

Vandag het ons die laaste van ons drie Pasta Maak-klasse afgesluit – en wat 'n besondere avontuur was dit!

Van die eerste bolletjie deeg tot die laaste bord vars pasta was daar gelag, kreatiwiteit en hope trots. Die "behind the scenes" foto's vertel eintlik die mooiste storie en die groot finale waar die kinders die meel in die lug gegooi het, was die perfekte afsluiting van drie onvergeetlike dae! 🌾

'n Baie spesiale dankie aan Juanita, wat met soveel geduld, passie en liefde elke klas aangebied het. Jy het hierdie ervaring vir elke kind iets besonders gemaak.

Aan my ongelooflike ANNABeleef-span – dankie vir elke ekstra hand, elke glimlag, elke bord kos, elke skoonmaak en elke klein dingetjie agter die skerms. Julle is eenvoudig die beste. ❤️ (Die koek was welverdiend!)

En natuurlik.....dankie aan elke kind wat deel was van hierdie avontuur. Julle nuuskierigheid, entoesiasme en lag maak al die harde werk die moeite werd. Ons hoop julle gaan nog baie pasta saam met julle families maak!

🍪 Die pret is egter nog nie verby nie! Ons Koekiebak-klas vind plaas op 6 en 7 Julie en ons sien uit daarna om weer saam klein bakkers in die kombuis te verwelkom.

Dankie aan elke ouer wat ons vertrou het met julle kinders. Ons waardeer dit opreg.

Tot die volgende avontuur by ANNABeleef.......waar stories leef, herinneringe gemaak word en lekker kos mense bymekaar bring. 🤍🍝🍪

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

30/06/2026

🍝✨ Nog 'n heerlike dag van meel, lag en herinneringe by ANNABeleef! ✨🍝

Dag 2 van ons Pasta Maak-klas was weer 'n groot sukses! Dit was wonderlik om te sien hoe elke kind met soveel entoesiasme leer, skep en trots hul eie vars pasta maak.

Vandag het 'n paar mammas, oumas en selfs 'n peetpa vir 'n rukkie kom inloer om die pret saam te beleef. Dit was lekker dat hulle vir 'n oomblik die glimlagte en trots kon deel.

📅 Môre is ons laaste Pasta Maak-klas, en ons sien baie uit daarna om nog 'n groep klein pastameesters te verwelkom!

En die pret hou nie daar op nie.....🍪

6 & 7 Julie bied ons Koekiebak-klasse aan, waar klein bakkers weer hul kreatiwiteit kan uitleef, nuwe vaardighede kan aanleer en natuurlik iets lekkers saam huis toe neem.

By ANNABeleef gaan dit nie net oor kos nie – dit gaan oor herinneringe wat 'n leeftyd hou. 🤎

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

29/06/2026

🍝 Wat 'n ongelooflike afskop! 🍝

Vandag het ons eerste Pastamaak-klas vir kinders plaasgevind en wat 'n fees was dit nie!

Van meelwolke en laggies tot klein handjies wat hul eie pasta met soveel trots gemaak het – elke oomblik was gevul met pret, leer en herinneringe wat nog lank gaan bly.

Dit is lekker om te sien hoe kinders nie net nuwe vaardighede aanleer nie, maar ook ontdek hoe lekker dit is om saam te skep, te lag en iets met hul eie hande te maak.

'n Groot dankie aan elke ouer wat hul kinders aan ons toevertrou het. Julle entoesiasme en ondersteuning beteken vir ons ongelooflik baie. 💛

Ons sien baie uit na die volgende klasse, want as vandag enige aanduiding is, wag daar nog baie meel, baie lag en baie mooi herinneringe!

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

24/06/2026

Ek het vandag my peetkind by die skool gaan haal.

Toe hy inklim, wys hy na die venster en sê: "ANNA, kyk hier!"

Daar sit 'n klein heuningby op die motordeur. Nie op 'n blom nie. Nie in 'n tuin nie. Sommer net daar.

Met haar helder oranje vrag stuifmeel het sy gelyk asof sy ver gevlieg het en net vir 'n oomblik moes rus.

Dit het my laat d**k hoe baie van ons deur die lewe gaan. Ons dra almal iets. Verantwoordelikhede. Verliese. Drome. Hoop. Liefde.

Ons hou aan vlieg. Ons hou aan gee. Ons hou aan bou.

Maar selfs die besigste by weet wanneer dit tyd is om vir 'n oomblik stil te sit.

Miskien was hierdie klein besoeker vandag net daar om my daaraan te herinner. 🐝💛

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️