10/06/2021
هات أصحابك و تعالي قضي السهرة في كافيه باريستا . Barista
المكان مفتوح ( open air) و في ساحة للعجل و السكوتر علشان تبقي الخروجة عائلية كمان بامتياز 👌
نيجي بقي للأسعار .
المكان بيقدم طواجن نوتيلا مخدومة صح و تغطية بندق محمص و مكسرات و أوريو و كمان في تشيز كيك و كل ال desserts اللي كفيلة انها تحسن لك المود لأسبوع أدام 😅
أغلي حاجة في الحاجات دي 35 جنيه !!
و عندهم ركن للقهوة بكل أنواعها لعشاق القهوة و ده بقي ملعبهم ( باريستا أصلا يعني قهوجي بالإيطالي 😉)
هتلاقي التركي و الفرنساوي و اللاتيه و الكابوتشينو و الاسبريسو بجودة عالية .
و في ركن للهيلثاوية بقي و أعداء السكريات و مدمني الدايت 😅
فيه فاكهة فريش بيتعمل بيها أحلي سموزي و ممكن كمان تاخد وافل بالفواكه لو عاوز تعلي الفيتامينات مع طعم الوافل المحمص.
تعالي قضي اليوم في باريستا و بعد كده هتبقي مكانك المفضل .
