B&M Grocery LTD

12/07/2026

🚚 暑假前補貨團｜順利完成 ❤️

琴日朝早 6:45 由 Leeds 出發，去到下晝大約 5:00 終於完成所有送貨 🙌

今次路線一共超過 400 miles，淨係揸車已經超過 8個鐘，仲未計塞車、等候交收、搬貨同上落貨🤣

張地圖已經密麻麻有 8 個站，仲有另外 3 個交收點放唔落去😂

有人可能會問：

「暑假前都就快休息，點解仲要走咁遠出多一團？」

其實就係希望放暑假之前，盡量幫一直支持我哋嘅客人補多一次貨 ❤️

知道有啲客人等住補貨，有啲想買定食材放喺屋企，所以就算路程遠少少、辛苦少少，都希望盡量安排到。

由天未光準備、朝早出車，到完成最後一個交收點，雖然真係攰到散晒🤣，但見到大家順利收到貨，又聽到大家一句：

「辛苦晒！」、「多謝你哋特登送過嚟！」

其實已經覺得今次出車好值得 ❤️

真心多謝今次每一位落單、耐心等候，同一直支持 B&M 嘅客人🙏

每一張訂單、每一次介紹、每一句支持，對我哋呢間家庭式小公司嚟講，都係繼續行落去嘅動力。

400+ miles，不只係一條送貨路線，沿途每一個站，都係大家對 B&M 嘅支持 ❤️

暑假前成功幫大家補多一次貨，任務完成💪🚚

多謝大家，下次9月出團再見 😊

— B&M Grocery 🖤

03/07/2026

Milk Snow Ice
See you tomorrow 🫶🏻

25/06/2026

#客人貼堂作品

客人招呼朋友開party
（客人非專業廚師只係一個師奶仔）
切得好好
·三文魚
·吞拿魚腩（Toro)
•日本真鯛魚
·赤蝦
•海膽
·甜蝦
佢話A5和牛片太搶手 未影得切相已經被沽清😝

#天氣太熱 #注意補水
#留言話我聽你哋咁熱整啲咩食

24/06/2026

🥑 天氣好熱。

今日將雪櫃裡剩餘嘅食材組合埋一齊，整咗一碗 Hawaiian Poke Bowl（夏威夷魚生飯）。

以壽司飯為基底，材料其實好簡單：

▪️ 壽司飯
▪️ Costco 韓國紫菜碎打底
▪️ 腐皮粒
▪️ 牛油果
▪️ 三文魚粒
▪️ 帆立貝
▪️ 赤蝦

最後淋上少許醬油就搞掂 有得食😂

切粒嘅稻荷腐皮帶來淡淡甜香，令整體口感更有層次。

好味嘅料理唔一定來自昂貴嘅食材，而係來自雪櫃裡剛剛好嘅搭配 🤣

雪櫃剩返少少呢樣、少少嗰樣，反而最容易整出一餐連自己都驚喜嘅午餐 🤤

顏色咁豐富，當然相機食先 📸❤️

#非專業廚師純分享
#以上食材我哋全部有得賣

+44 07936 533666

23/06/2026

🍱 International Food Day 🇯🇵

我小朋友學校舉辦 International Food Day 籌款活動。

作為其中一位家長義工，我負責代表亞洲區食物，準備咗一批稻荷壽司同便當俾小朋友分享。

老實講，見到自己搬住幾盤壽司同便當入場嗰一刻，我已經有啲信心 唔會失禮 😂

畢竟炒飯、炒麵同 Cupcake 曲奇 可能周圍都見到，但一大盤日式稻荷壽司配木盒展示，喺學校 International Food Day 入面真係唔算常見。

未正式開始之前，已經有唔少家長同小朋友停低研究：

「呢啲係咩嚟㗎？」

一大盤色彩繽紛嘅稻荷壽司，加上精緻便當盒展示，成個賣相非常搶眼。

對好多英國小朋友嚟講，壽司本身已經充滿吸引力，再加上繽紛嘅配搭同可愛嘅造型，基本上一見到就會忍唔住行埋嚟睇。

好多家長同小朋友行到攤位前，第一個反應都係：

「Wow!」

之後唔使我介紹太多，就已經開始排隊了 🤣

最令我意外嘅，反而係好多小朋友其實係第一次食稻荷壽司。

原本以為佢哋會揀最熟悉嘅食物，點知玉子、粟米沙律、吞拿魚沙律同蟹柳沙律全部都好受歡迎，清得比我想像中更快。

原來只要賣相吸引，小朋友對食物嘅接受程度真係好高 ❤️

其實相中大部分材料，喺我度都買得到。

稻荷壽司皮、三文魚、蟹柳、玉子、飛魚籽、枝豆等等，全部都可以輕鬆變成生日會、學校活動、社區聚會甚至家庭 Party 嘅主角。

講真，做出嚟個效果睇落好豪華，但成本其實比大家想像中低得多。

有時最受歡迎嘅食物，未必係最貴，而係最吸引人拎起第一啖去試。

見到一班小朋友食得開心，仲願意嘗試唔同文化食物任務算係成功完成了 ❤️

19/06/2026

我哋都會去擺市集
今次唔係牛雜
帶埋啲芝麻八爪魚 北寄貝沙律 去，見吓世面先😂😂

【列斯東亞夏日祭典主題市集 「Wishes & Stars」下月Corn Exchange舉行】

除咗香港人開嘅餐廳之外，由香港人搞嘅市集，應該係我哋最容易搵到親切感嘅地方。事實上，依家英國各大城市都會有唔同團體，定期舉辦唔同主題嘅市集。不過，類似嘅市集，除咗農曆新年嗰一窩蜂外，喺列斯並唔多。幸好近來收到消息，喺下月初，列斯Corn Exchange會有一個香港人搞，以東亞夏日祭典為主題嘅「Wishes & Stars」市集。所以，今次我哋專登訪問咗主辦商阿Jane，同我哋介紹吓呢個市集嘅獨特之處。

記得今年農曆新年，列斯Corn Exchange有個香港人搞嘅新年市集。除咗有港式小食外，仲有唔少手工藝品。因為Corn Exchange本身有唔少本地人顧客，所以新年市集當日，除咗香港人之外，本地人亦唔少，估計各佔一半。

呢個市集之所以能夠吸引本地顧客，主要係同個市集嘅取向有關。依家好多市集，主要係以香港情懷為賣點，但呢個市集就多咗份文化氣息。就好似市集嘅搞手阿Jane所講，相比起單純做一個香港人市集，佢更希望透過活動將東亞（日韓台）文化帶到英國。近年日本動漫文化、K-pop 等韓國流行文化喺英國一直相當受歡迎，所以希望透過市集、工作坊同文化活動，將香港、日本、台灣、韓國等不同東亞文化元素結合起來，吸引本地人參與同認識我哋嘅文化，而唔只係服務華人社群。

所以，佢喺下月舉行嘅「Wishes & Stars」市集，就係以東亞夏日祭典為賣點，而星期五（三號）嘅夜晚市集，更會以「台灣夜市」為主題，據佢講，當晚除咗有亞洲熟食之外，仲有台式攤位遊戲，希望可以營造當年喺台灣士林夜市嗰種氣氛。

眾所周知，Corn Exchange本身係賣精品同手工藝品嘅市場，所以佢哋嘅參展商，唔少都係賣手工藝品。因為呢個場本身就係for呢類客，據佢所知，呢類攤檔嘅生意都唔錯，所以唔少檔主都會keep住參加喺呢度搞嘅市集。

「Wishes & Stars」市集
今次市集會喺七月三號至五號於Corn Exchange舉行。如上文所講，七月三日（星期五）係夜市，時間係5:00pm至9:00pm。因為喺列斯，另一個熱門場地Kirkgate Market會受營業時間影響，通常市集下午五、六點鐘就收。而阿Jane話，佢哋之前試過喺Corn Exchange搞同類型嘅夜市，氣氛唔錯，所以反應都幾好。

之後七月四日及五日，就主要係文化市集。除咗熟食及包裝食品外，主打嘅係精品及手工藝品。因為星期六Corn Exchange本身就好多人，加上根據過往經驗，預計反應理想，所以所有攤位都一早俾人Book晒了。至於星期日，因為Kirkgate Market唔開，好多市集都唔會喺星期日搞，所以預計會吸引唔少鍾意星期日行街嘅顧客。

如果有留意我哋「種子新聞」，應該會發現我哋介紹過好多香港人喺列斯開嘅餐廳。好大原因，係我哋覺得，如果可以喺呢度搵到啲我哋熟悉嘅味道，會令大家更容易對呢個地方有歸屬感。其實除咗餐廳之外，港人市集亦係另一個重要場合，就好似每逢農曆新年喺全國各地舉行嘅新年市集，總係人山人海。大家趁呢啲機會聚吓，凑吓熱鬧，嗰份共鳴感有時更加難得。

其實喺英國各大城市，好似倫敦、曼城、Warrington、伯明翰同諾定咸等，已經有唔少港人市集不定期舉行。希望以後喺列斯都會越嚟越多，令我哋列斯人可以搵到更多親切感。

順帶一提，我哋預備咗一份點樣成為檔主嘅攻略，下次再同大家分享。

「Wishes & Stars」市集
地點：Leeds Corn Exchange, Call Ln, Leeds LS1 7BR（泊車最方便係泊NCP Leeds The Markets）
日期：
七月三日（星期五）5:00pm至9:00pm
七月四日（星期六）11:00am至6:00pm
七月五日（星期日）10:30am至3:30pm
入場費：全免

（有相嘅全文連結已放在留言版內）

————————————————————

如果你滿意上面嘅新聞報道，請你讚好／追蹤我們。《種子新聞》需你的支持。

#列斯 #香港人市集

17/06/2026

#安格斯牛脷
#牛肋條
#厚牛仔骨
全牛宴好滿足

07/06/2026

雪花紋《厚切牛仔骨》
1.2cm厚 3支骨
1kg包 ，約7-8件

#多謝客人分享
#多謝客人咁有心執咗段短片俾我
#客人錄影眼鏡帶住嚟煮飯😂

07/06/2026

Reading 團完成 交收🚚

今日我哋由 Leeds 出發去 Reading 送貨。

來回車程差唔多 8 個鐘。

講真，今次只得 幾位客人落單，如果計返油費、時間同人工，其實連成本都未覆蓋到。

有朋友問：

「得幾個客，仲特登跑咁遠，值唔值得？」

如果純粹計數，可能真係唔值得。

但如果永遠只做眼前一定賺錢嘅事，咁永遠都唔會有新客人，亦都唔會有新地方認識我哋。

有時睇落好似蝕底、好似好戇居嘅決定，反而係一間小公司向前行嘅第一步。

B&M 由開始到而家，都只係一間好細好細嘅家庭式小公司。

我哋唔係想做得幾大，亦唔係想發大達。

只係希望靠自己雙手，賺到一份安穩生活。

其實講到尾，B&M 都只係一間小公司。

不過規模細，唔代表冇要求。

店主本身就係一個為食嘅人 🤣

成日周圍搵嘢食、周圍搵食材，有時甚至唔怕厚住面皮向廠家提出各種要求。

因為自己鍾意食，所以一直都希望可以搵到一班同樣鍾意食、鍾意研究食物嘅客人。

雖然我哋嘅產品種類唔算特別多，

但每一樣都係我哋認真試過、食過、覺得值得分享先會推出。

有能力嘅時候，就盡量去開發多啲新產品。

有時甚至會花錢開發配方，再搵工場 OEM 生產一啲市面上唔容易買到嘅冷門產品。

因為有啲食物，唔單止係食物。

有時係一份掛念。

有時係一份鄉愁。

有時只係想搵返細個食過嘅味道。

如果能夠幫大家喺英國都買得到、食得到，我哋已經覺得好有意義。

有啲產品可能未必大眾，

有啲甚至未必賺到錢。

但如果有人收到貨之後同我講一句：

「終於喺英國買到。」

其實已經好開心。

最後，多謝一直支持 B&M 嘅每一位客人。

無論你買過一次、十次，定係一直默默留意我哋，都真心多謝。

因為有你哋支持，我哋先有勇氣繼續去試新路線、新產品、新地區。

六月尾至七月初，我哋會再試多兩條新路線，睇下可唔可以服務更多地區嘅朋友。

另外為答謝大家支持：

✅ 6–7 月期間寄貨滿 £100，運費半價（實報實銷）

✅ 惠顧銀鱈魚產品，免收 £10 抽真空手工費

希望可以用最實際嘅方式回饋大家。

每一張訂單、每一次分享、每一句介紹，

對我哋呢啲蚊型公司嚟講，都係莫大嘅支持 ❤️

多謝大家。

— B&M Grocery 🖤

01/06/2026

《集百家之大成》米線
雲貴嘜炸醬·勿演·南記五香魚卷 ·腐竹
蒜泥白肉 ·拍青瓜 ·酸菜紋豬腩肉

#唔該多芽菜芫荽
#小辣🌶️🌶️🌶️