The Edible Projects.

Directions

The Edible Projects. Contact information, map and directions, contact form, opening hours, services, ratings, photos, videos and announcements from The Edible Projects., Restaurant, Front, G/F, 1K Wing On Street, Peng Chau.

大家一齊成為SEN青年追夢路上的同行者🥰
04/11/2026

大家一齊成為SEN青年追夢路上的同行者🥰

向特殊教育需要(SEN)學童派發玩具事件在網絡上引發熱議,這場風波折射出一個現實,就是即使香港社會對SEN群體認知表面上有所提升,但大眾理解仍

23/10/2026

【由咖啡店到跑道,一齊為 SEN 青年打氣!☕🏃】

平日喺 T.E.P 用心學習、為大家準備餐飲同提供服務嘅學員,11月8日將會踏上 LoveXpress 慈善跑嘅跑道,迎接另一個新挑戰!

今次,佢哋唔只為完成賽事而努力,更希望透過慈善跑,為 SEN 青年嘅職涯規劃及培訓籌款,讓更多青年有機會學習技能、累積經驗,逐步走向職場。💛

誠邀你報名參加,同學員一齊起跑;亦歡迎捐款支持,將鼓勵化成陪伴佢哋向前嘅力量。

☕ 未起跑,先打氣!

慈善跑參加者到深水埗 T.E.P 消費滿 $100,並出示參加慈善跑的WhatsApp 短訊,即可獲贈以下飲品一杯,任選其一:

▫️ 冷/熱黑咖啡
▫️ 冷/熱柚子紅茶

用一杯飲品,為即將踏上跑道嘅你打氣,亦多謝你與 SEN 青年同行。

📍換領地點:T.E.P 深水埗店「秀樺廚房」
深水埗鴨寮街88號

一齊睇吓轉發影片,了解活動及報名詳情。11月8日,期待喺跑道上見到你!🏃✨

#愛傳遞 #慈善跑 #共融就業 #職涯規劃

【T.E.P學員成長故事系列|Xion・用心堅持 超越自己】我最深刻嘅印象係「洗廁所」,開頭被督導嚴謹地提點過一次,但我冇氣餒,慢慢學返啱流程,之後仲可以教返其他同組嘅同學!只要所有步驟都要用心做,跟足就可以做到。所以自此以後,我就堅持「做...
21/10/2026

【T.E.P學員成長故事系列|Xion・用心堅持 超越自己】

我最深刻嘅印象係「洗廁所」,開頭被督導嚴謹地提點過一次,但我冇氣餒,慢慢學返啱流程,之後仲可以教返其他同組嘅同學!只要所有步驟都要用心做,跟足就可以做到。

所以自此以後,我就堅持「做事只要有恆心,就一定會做得到」的決心。唔可以偷懶、要聽人講、唔可以駁嘴,態度就係一切!

我而家清潔流程越做越快,我要好似我田徑跑步咁不斷超越自己,因為機會好難得,我要不斷爭取,無論幾時都要全力以赴!我隨時可以準備去瑰麗酒店實習。

💬【T.E.P團隊嘅心聲】

Xion嘅故事充滿住堅持同正能量🌟。由一開始被提點洗廁所,到而家可以教返其他同學,佢用行動證明咗「只要有恆心,就一定會做得到」。

佢明白到態度係一切,唔偷懶、肯聽教、唔駁嘴,呢份認真嘅工作態度,令佢嘅清潔流程越做越快、越做越好。佢將田徑跑步嘅精神帶入工作,不斷超越自己,爭取每一個機會💖。

「機會好難得,我要不斷爭取,無論幾時都要全力以赴」,呢份決心同鬥志,係Xion成長路上最強大嘅動力。佢隨時準備好去瑰麗酒店實習,呢份自信同準備,係佢努力付出嘅最好回報✨。

未來,T.E.P團隊會繼續支持Xion,見證佢喺每一個挑戰中超越自己,創造更多可能🌈!

#自閉青年就業 #有溫度的工作

【T.E.P學員成長故事系列|Emily・相信自己 勇敢發光]】大家好!我係第11期學員Emily~我最鍾意嘅工作係樓面🤵🏻‍♀️,因為可以為客人服務,見到人哋開心,我都好滿足😊喺T.E.P.實習最難忘嘅一次,就係第一次向客人成功介紹完餐牌...
16/10/2026

【T.E.P學員成長故事系列|Emily・相信自己 勇敢發光]】

大家好!我係第11期學員Emily~我最鍾意嘅工作係樓面🤵🏻‍♀️,因為可以為客人服務,見到人哋開心,我都好滿足😊

喺T.E.P.實習最難忘嘅一次,就係第一次向客人成功介紹完餐牌之後,Gigi姑娘讚我「叻女」!仲有喺坪洲做野時,好快成功學識咗用POS機落單嗰一刻,真係好有成功感!🥰

我最想多謝嘅係Gigi姑娘同文哥,如果冇佢哋兩個,就唔會有而家嘅我。佢哋教識我嘅,工作真係唔單止係一份工作,仲有要相信自己嘅勇氣同埋良好既工作態度,我會好好加油的。💪🏻

多謝大家!🫶

💬【T.E.P團隊嘅心聲】

Emily嘅分享充滿住溫暖同感恩🌟。佢鍾意樓面工作,因為可以為客人服務,見到人哋開心,佢都感到滿足,呢份同理心同服務精神真係好珍貴。

由第一次成功介紹餐牌被讚「叻女」,到好快學識用POS機落單,Emily嘅每一步進步都係佢勇敢嘗試、用心學習嘅成果。佢明白到工作唔單止係完成任务,更加係要相信自己、保持良好態度💖。

「相信自己嘅勇氣同良好嘅工作態度」,呢份領悟係Emily成長路上最寶貴嘅收穫。佢嘅笑容同滿足感,感染住身邊每一個人,亦令佢喺工作中搵到屬於自己嘅價值✨。

未來,T.E.P團隊會繼續支持Emily,見證佢帶著呢份自信同勇氣,喺樓面服務中繼續發光發熱,為更多客人帶去溫暖同快樂🌈!

#自閉青年就業 #有溫度的工作

【T.E.P學員成長故事系列|Martin・由「是但」到「眼裡有光」】我開頭返工嗰陣,成日都好似遊魂咁,問我想做啲咩都會話是但啦,諗住做完就收工。🙃但做做吓,我發現自己開始改變。我以前真係冇咩目標,返工好似交差;但而家,我好積極去做每一件事...
14/10/2026

【T.E.P學員成長故事系列|Martin・由「是但」到「眼裡有光」】

我開頭返工嗰陣,成日都好似遊魂咁,問我想做啲咩都會話是但啦,諗住做完就收工。🙃但做做吓,我發現自己開始改變。

我以前真係冇咩目標,返工好似交差;但而家,我好積極去做每一件事,因為我發現,原來認真投入係會令自己過得好充實!

我而家會主動聽員工指示,仲感受到「團隊合作真係好重要,有同事一齊做嘢真係好好多!」

而且我而家覺得,做人最緊要係有禮貌、有良好的工作態度,做咩事都要認真,將來去邊度,只要態度認真,生活就會充實。

所以我由「冇目標」到「眼裡有光」,呢個轉變,連我自己都開始喜歡自己!✨

💬【T.E.P團隊嘅心聲】

Martin嘅轉變真係令人好感動🌟。由一開始嘅「是但啦」、好似遊魂咁返工,到而家積極投入、眼裡有光,佢用行動證明咗態度可以改變一切。

佢發現認真工作唔單止係為咗完成任務,更加係為咗令自己過得充實、有意義。佢學會主動聽從指示,明白團隊合作嘅重要性,亦懂得用禮貌同良好態度去面對每一件事💖。

由「冇目標」到「眼裡有光」,呢個唔單止係工作上嘅轉變,更加係Martin對自己價值嘅重新認識。佢開始喜歡自己,呢份自信同滿足感,係佢成長路上最寶貴嘅收穫✨。

未來,T.E.P團隊會繼續支持Martin,見證佢帶著呢份認真同熱誠,喺人生路上行得更遠、更充實🌈!

#自閉青年就業 #有溫度的工作

【T.E.P學員成長故事系列|Rachel・每一步都係珍貴嘅第一次】大家好,我係第11期學員Rachel。喺秀樺廚房嘅實習,我學咗好多「第一次」:第一次落單、第一次面對客人、第一次煮飯洗碗、甚至第一次清潔洗手間,每一樣都係新嘗試,每一樣我都...
23/09/2026

【T.E.P學員成長故事系列|Rachel・每一步都係珍貴嘅第一次】

大家好,我係第11期學員Rachel。喺秀樺廚房嘅實習,我學咗好多「第一次」:第一次落單、第一次面對客人、第一次煮飯洗碗、甚至第一次清潔洗手間,每一樣都係新嘗試,每一樣我都慢慢學、慢慢熟練。所以對我嚟講每一步都係珍貴嘅第一次!☕✨

好感謝Gigi姑娘俾我呢個機會,等我可以踏出舒適圈,試吓自己從未做過嘅事。🥰

我知自己仲有好多嘢要學,但我會繼續比心機、努力做好每一件事,帶住呢份感恩同決心,向將來嘅方向一步一步行落去。💪🏻

唔怕慢,最緊要肯起步。我會加油!💪

💬【T.E.P團隊嘅心聲】

Rachel嘅分享充滿住真摯同感恩,佢願意踏出舒適圈,勇敢面對每一個「第一次」,呢份勇氣同決心真係好值得欣賞🌟。

由第一次落單、第一次面對客人,到第一次煮飯洗碗、清潔洗手間,Rachel用佢嘅耐心同努力,將每一個新嘗試變成成長嘅階梯。佢明白到學習需要時間,但佢從來冇放棄,而係一步一步、慢慢學、慢慢熟練💖。

「唔怕慢,最緊要肯起步」,呢句說話唔單止係Rachel嘅自我鼓勵,更加係佢成長路上最好嘅寫照。佢嘅每一步進步,都令我哋感到鼓舞同驕傲✨。

未來,T.E.P團隊會繼續支持Rachel,見證佢喺每一個「第一次」中成長,一步一步行向屬於佢嘅美好將來🌈!

#自閉青年就業 #有溫度的工作

【T.E.P. Ready to Cook 返嚟啦!| 崇光超市期間限定店!】想試我哋高品質、方便又美味嘅加熱即食湯包?依家就係最佳時機!📍 由9月23日至9月29日,到崇光銅鑼灣店B2/F 崇光超市就可以買到啦 ❤️ 無論自用或送禮都一樣...
23/09/2026

【T.E.P. Ready to Cook 返嚟啦!| 崇光超市期間限定店!】

想試我哋高品質、方便又美味嘅加熱即食湯包?依家就係最佳時機!

📍 由9月23日至9月29日,到崇光銅鑼灣店B2/F 崇光超市就可以買到啦 ❤️ 無論自用或送禮都一樣咁得體 ☺️
🛒 單一消費滿 $800或以上,更可獲贈指定湯包/食品包!

每一次大家購買 T.E.P. 的湯包,不僅是對特教青年員工工作成果的肯定,部分收益更用於支持自閉症青年的就業發展與培訓。有了這個工作機會,特教青年可以發揮潛能,靠自己的雙手融入社會、獨立成長!❤️

#湯包 #慈善 #社企

🌕 中秋倒數.愛唔使等🌕仲有幾日就中秋 🥮你嘅團圓飯準備好未?T.E.P. READY TO COOK「中秋團圓.以愛入饌」推廣💰 $520 固定套餐 二選一✅ T.E.P 皇牌組合✅ 傳統家庭組合唔使諗點配 已經幫你揀好晒!(套餐A)T....
21/09/2026

🌕 中秋倒數.愛唔使等🌕

仲有幾日就中秋 🥮
你嘅團圓飯準備好未?

T.E.P. READY TO COOK「中秋團圓.以愛入饌」推廣

💰 $520 固定套餐 二選一

✅ T.E.P 皇牌組合
✅ 傳統家庭組合

唔使諗點配 已經幫你揀好晒!

(套餐A)T.E.P 皇牌組合

🦈 松茸濃湯鮑翅
🫁 杏汁白肺湯
🐔 淮山杞子螺頭竹絲雞湯
🐟 石斑魚蕃茄薯仔湯

(套餐B)傳統家庭組合
🦢 花菇鵝掌
🌶️ 麻辣牛肚
🐔 淮山杞子螺頭竹絲雞湯
🥣 粉葛鯪魚赤小豆湯

✅ 支持社企,幫到 SEN 青年就業
✅ 加熱即食,留多啲時間同家人賞月傾計
✅ 兩個精選組合 總有一款啱晒屋企人

🛒 唔好等到最後一刻!
👉 https://theedibleprojects.com/collections/all-products

🌟 中秋團圓.以愛入饌
你嘅選擇 令更多人食得幸福 🌕✨

#中秋倒數 #中秋團圓 #社企支持 #香港社企 #靚湯到家 #支持本地

19/09/2026

🌕 企業同行,讓共融從一餐飯開始 🩷

早前舉行了「愛・傳遞 × 新鮮圍煮 中秋慈善火鍋宴」,85位特教青年、家長及親友共聚一堂,歡度一個充滿笑聲與溫暖的中秋。

超過一半參加者曾參與「愛・傳遞」的職業培訓及相關發展項目。看見青年們自在交流、展現自信與潛能,正是我們一直推動共融同行的最大鼓勵。

特別感謝「新鮮圍煮」全力支持,除了提供場地及餐飲,更邀請企業義工親身參與,與特教青年及家庭一起共度節日。企業的參與,不只是一份支持,更是一份真實的陪伴。

期待未來有更多企業夥伴加入,與我們一起讓共融走進社區、走進每一個人的日常。

----------

🏃‍♀️ 11月8日|愛傳遞慈善跑2026
誠邀各界企業夥伴,再一次與我們並肩同行,邀請同事、親友組隊參與,一起為共融跑出每一步!

📍 地點: 香港數碼港
🗓️ 日期:2026 年 11 月 8 日(星期日)
🎟️ 報名專頁(即時搶名額):https://bit.ly/LXPCharityRun26
ℹ️ 了解更多活動及計劃詳情:https://lovexpress.org/charity-run-2026/

再次感謝「新鮮圍煮」團隊的支持,預祝大家中秋節快樂,人月兩團圓!🌕🥮

#愛傳遞 #新鮮圍煮 #社會共融 #員工義工 #中秋慈善火鍋宴 #特教青年 #愛傳遞慈善跑2026

【T.E.P學員成長故事系列|Mandy・回歸初心 笑容滿載】✨一開始再正式踏入T.E.P餐廳嘅廚房同樓面,我個心真係有少少忐忑 🥺,好驚自己會唔熟手,搞到手忙腳亂添!💦好彩 T.E.P 嘅文哥同埋Gigi姑娘都非常有耐性 🫶,真係令我安心...
17/09/2026

【T.E.P學員成長故事系列|Mandy・回歸初心 笑容滿載】

✨一開始再正式踏入T.E.P餐廳嘅廚房同樓面,我個心真係有少少忐忑 🥺,好驚自己會唔熟手,搞到手忙腳亂添!💦好彩 T.E.P 嘅文哥同埋Gigi姑娘都非常有耐性 🫶,真係令我安心好多好多!🥰

雖然大家忙起上嚟就會即刻進入「認真工作 mode」🔥,但佢哋一直都好願意教我,仲會好細心咁提點我每一個工作細節 📝✨。由最初戰戰兢兢,到而家慢慢掌握到工作節奏 🏃‍♀️,我真係覺得自己進步咗好多,信心都返晒嚟喇!💪🎀

喺度實習,除咗學到好多餐飲業嘅專業知識同技巧之外 🍽️,最開心嘅收穫,就係認識到一班又好玩、又熱心嘅同事成為夥伴!大愛大家!💕

返工雖然有時都好忙👣,但大家一齊做、一齊學!🤪 廚房同樓面成日都充滿歡笑聲 💬,忙碌嘅工作即刻都變得冇咁辛苦喇!🌈

多得咁多年來喺愛傳遞有大家嘅支持,我先可以喺一個咁溫暖、咁有愛嘅環境入面學習同成長 🌻✨。
未來我會繼續努力學習,做好每一項工作,越做越熟手,絕對唔會令大家失望㗎!🔥感恩嚟緊可以再喺瑰麗酒店實習,之後都請大家繼續多多指教! 🙇‍♀️💕

💬【T.E.P團隊嘅心聲】
Mandy雖然唔係全新嘅學員,但佢今次回歸,依然好似新學員咁重新虛心學習,並同一班新學員打成一片,呢份態度真係好值得欣賞🌟。

每一次面對新環境、新伙伴,都需要用心適應,而Mandy就用佢嘅笑容同熱誠,快速融入團隊,成為大家嘅開心果💖。

我哋睇到Mandy由忐忑到自信,由陌生到熟悉,每一步進步都令人感到鼓舞。佢嘅笑容同工作熱誠,唔單止感染咗同事,更加令客人感受到T.E.P嘅溫暖✨。

#自閉青年就業 #有溫度的工作

Address

Front, G/F, 1K Wing On Street
Peng Chau
00000

Opening Hours

Monday 11:00 - 18:00
Tuesday 11:00 - 18:00
Friday 11:00 - 18:00
Saturday 11:00 - 18:00
Sunday 11:00 - 18:00

Website

Alerts

Be the first to know and let us send you an email when The Edible Projects. posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Nearby restaurants