09/12/2023
🥜🥜🥜🥜花生文🥜🥜🥜🥜
究竟咩事無啦啦粒聲唔出唔做？
本身想將件事石沉大海，但眼見原址即將開幕，放吓花生俾曾經認識過嘅大家。
事緣由2023年初我發現自己情緒困擾自己太嚴重，想先處理好情緒，將業務放出或暫借比相熟嘅人，但一切以信仰優先，甚至願意免費送出比有心嘅宣教士。
當時已有一社會機構好友非常接近至同業主開會（教會），喺我認知下係基本上通過，但建基於會友制，會以先諮詢會友有冇興趣先，所以機構會作為第二選擇。
當時以一個極開放嘅心態，因為都希望有心人以任何形式使單位順利交接。
但只希望盡快確認申請成功與否，因為需要牌照續約。
最後真係有一個申請，但世都估唔到嗰個係我嘅員工（團契團友及教會會友）同埋同我認識幾年一齊成長同一個團契嘅團友，以團體單位形式申請，而我係完全唔知情！
傷害嘅係就連一直無條件好支持我嘅團契導師都唔知。
而我嘅員工係知道社會機構係會無縫交接。
「給19歲的我」
當時張導演，以「拍咗先剪咗先，最後仲上埋畫」嘅方法最後處理演員嘅情緒，
我承認商業世界係我唔租在先，自由市場自由開放，但勢估唔到喺教會嘅地方完全我稱之為係冇道德嘅行為。
點都好我阻止唔到亦唔會阻止，只係想分享比固有支持小店嘅朋友一件小事，然而呢件事係將我整個信仰人生價值跌至谷底。
曾經試過有一個有第三方在場嘅健康交談，一方發言，一方聆聽。
會上對方承認1佢只係申請，2我遲早會知
對我來講已經足夠。
我承認人生非常小嘅事放到好重，只不過係人生一小嘅挫折。
說好的召命
說好的教會
說好的團契（koinonia)
開幕前嘅禱告 最後嘅無奈
祝地上財源滾滾 生意興隆
希望會喺呢件事上你哋各人因著信同禱告而選擇繼續做呢個行為
網絡罵戰毫不成熟，唔使樣諗點樣回覆我，因為基本上我係唔會理你哋，以上內容究竟有幾多係真實版本，其實網上大家都係食花生。
此post將會係此page最後一貼。
我好傷心，但我擇善固執
曾經嘅「CAFE KOINONIA」…再見了
