Veitingahúsið er við hlið Castello-pizza en sömu eigendur reka staðina. Kebab er þunnskorið kjöt sem lagt er á spjót lag fyrir lag og eldað við háan hita. Kebab máltíðir eru vinsælar í Mið-Austurlöndum þaðan sem þær eru upprunnar.
Þeir sem hafa komið til Tyrklands hafa væntanlega séð marga kebab-staði, enda eru þeir algengir þar í landi. Kebab hefur sömuleiðis verið vinsæll réttur á Balkanskaga.
Í dag er kebab hluti af daglegri matargerð víða um heim. Armend Zogaj, eigandi Kebab-Center og Castello, segir að eftir að staðurinn opnaði fyrir ári hafi vinsældir kebab stöðugt verið að aukast og staðurinn hefur eignast marga fastagesti. „Þetta er kebab eins og fólk er vant að fá í útlöndum. Við notum einungis gæðakjöt, bæði lamb og kjúkling. Áður en við opnuðum staðinn fór starfsmaður frá okkur á námskeið í Tyrklandi til að læra að gera þetta rétt. Þar fengum við uppskriftir og lærðum handbragðið,“ segir Armend sem sjálfur er frá Kósóvó. „Svo virðist sem Íslendingar þekki kebab mjög vel, enda er þetta hollur skyndibiti sem tekur mjög stuttan tíma að afgreiða. „Hér er alltaf mikið að gera í hádeginu,“ segir Armend. Hægt er að velja um kebab í pítubrauði með salati og sósu eða í tortillum. „Við lögum jógúrtsósurnar og eru þær gerðar með hollustu að leiðarljósi. Ekki er notað msg-krydd eða sykur.“Um þessar mundir er hægt að fá á tilboði kebab með lambakjöti/kjúklingi, frönskum kartöflum, salati og gosi á 1550 krónur. Kebab-Center er á Dalvegi 2 við hlið Castello en áhugi er að opna fleiri staði. Fólk getur hringt í síma 581-1717 og pantað kebab og sótt síðan. Hægt er að skoða matseðilinn og tilboð á síðunni: kebabcenter.is en einnig er mögulegt að borða á staðnum. Opið er alla daga frá 10-22.
