CFBEA

08/02/2026

20/01/2026

15/01/2026

Dear Mr. Anuar,

I would like to invite you to attend the Opening Ceremony of the Italian Expo Cambodia 2026.
I would also like to extend this invitation to your association F&B group as well 🙏

15/01/2026

29/11/2025

ដោយសារកាលពីយប់ម៉ិញនេះ មានការប្រកាសអំពីការចាត់ចំណាត់ថ្នាក់បណ្តាភោជនីយដ្ឋានដែលទទួលបានពានរង្វាន់ផ្កាយ MICHELIN STAR 2025 ហើយបានឃើញយ៉ាងច្បាស់ថាប្រព័ន្ធចាត់ចំណាត់ថ្នាក់ផ្កាយ មីសិលីននេះគឺជាកម្លាំងទាញដ៏មានប្រសិទ្ធភាពបំផុតមួយសម្រាប់ទេសចរវិស័យម្ហូបអាហារ ហើយនៅតែឆ្ងល់ថាហេតុអ្វីបានជាកម្ពុជាយើងមិនទាន់ត្រូវបានបញ្ចួលទៅក្នុង MICHELIN GUIDES នៅឡើយ
ចឹងហើយថ្ងៃនេះខ្ញុំលើកយករឿងនេះមកនិយាយគ្រាន់កំដរចុងសប្តាហ៍។

ខ្ញុំសង្ឃឹម ថាថ្ងៃណាមួយកម្ពុជានឹងទទួលបានការពិចារណាពីសំណាក់ក្រុមវាយតម្លៃអន្តរជាតិមក ធ្វើចំណាត់ថ្នាក់ និងបញ្ចូលសមាសភាពកម្ពុជាទៅក្នុងសៀវភៅមគ្គុទេសក៍ផ្កាយមីសិលីន MICHELIN GUIDES។ នៅក្នុងវិស័យឧស្សាហកម្មម្ហូបអាហារនៅលើពិភពលោក យើងនេះ មានតែប្រព័ន្ធស្ថាប័នមីសិលីននេះទេដែលមានឥទ្ធិពល និងការទទួលស្គាល់ ខ្លាំងបំផុត ហើយក៏ជាបច្ច័យមួយក្នុងការនាំទៅដល់ការសម្រេចចិត្តរបស់ទេសចរម្នាក់ៗផងដែរ។

ខ្ញុំធ្លាប់បានសរសេរលម្អិតរួចមកហើយអំពី ប្រវត្តិដំណើរដើមទងហេតុអ្វីបានក្រុមហ៊ុនកង់ឡានសោះបែរជាមកជាអ្នកធ្វើចំណាត់ថ្នាក់ហាងអាហារដ៏ល្បីល្បាញលើពិភពលោក ក៏ដូចជាអំពីលក្ខណៈវិនិច្ឆ័យហាងនីមួយៗក្នុងការទទួលជ័យលាភីផ្កាយ MICHELIN STAR ផងដែរ។

ប្រព័ន្ធនៃការចាត់ចំណាត់ថ្នាក់ផ្កាយមីសិលីនគឺមានតែ៣ទេគឺផ្កាយ១ ផ្កាយ២ និងផ្កាយ៣ ប៉ុន្តែកាលពីឆ្នាំ២០២១កន្លងមក គេបានបង្កើតផ្កាយមួយទៀតហៅថាផ្កាយបៃតងសម្រាប់ហាងណាដែលមិនត្រឹមតែមានរសជាតិឆ្ងាញ់ប៉ុណ្ណោះទេ តែក៏ជាហាងគិតពីផែនដីបៃតងដោយគិតអំពីនិរន្តរភាពបរិស្ថានទៅក្នុងគ្រប់ដំណើរការអាហារគ្រប់មុខ រហូតដល់ការគ្រប់គ្រងសំណល់ និងប្រព័ន្ធបរិស្ថាននៅខាងក្រោយផ្ទះបាយផងដែរ។ ឧទាហរណ៍ជាក់ស្តែងមួយទៅលើពានរង្វាន់ផ្កាយបៃតងនេះ គឺគេនឹងពិនិត្យមើលការច្នៃប្រឌិតអាហារដែលយកចិត្តទុកដាក់ចំពោះបរិស្ថាន និង ការជ្រើសរើសប្រើប្រាស់វត្ថុធាតុដើមទៅតាមរដូវកាលពីសហគមន៍ និងតំបន់មូលដ្ឋាន។ មិនត្រឹមតែរឿងវត្ថុធាតុដើមប៉ុណ្ណោះទេ ហាងក៏មានការគ្រប់គ្រងប្រព័ន្ធសំណល់នៅខាងក្រោយហាងផងដែរ ជាពិសេសការបំប្លែងវត្ថុធាតុដើមទៅជាជីកំប៉ុស្តិ៍បញ្ជូនត្រឡប់ទៅកសិករវិញ។

ឆ្នាំនេះគឺជាខួបលើក១២៥ នៃការបង្កើតឲ្យមានប្រព័ន្ធចំណាត់ថ្នាក់ភោជនីយដ្ឋាន និងសៀវភៅមគ្គុទេសក៍ណែនាំភោជនីយដ្ឋានដ៏មានឥទ្ធិពលបំផុតលើពិភពលោក ហើយនេះគឺជាបញ្ជីរាយនាមប្រទេសចំនួន១០ដែលមានហាងទទួលបានផ្កាយ Michelin សរុប ច្រើនជាងគេបំផុតនៅលើពិភពលោកក្នុងឆ្នាំ២០២៥។ ប្រទេសទាំងនេះត្រូវបានគេស្គាល់ថាជាមជ្ឈមណ្ឌលនៃម្ហូបអាហារលំដាប់ពិភពលោក និងមានប្រវត្តិយូរលង់ក្នុងការវាយតម្លៃដោយ Michelin Guide។ លេខ១គឺ បារាំង ដែលជាប្រទេសកំណើតនៃមគ្គុទ្ទេសក៍ Michelin តែងតែនាំមុខគេក្នុងចំនួនសរុប ដោយមានភោជនីយដ្ឋានដែលមានផ្កាយ ៦៥៤ ហាង។ បន្តដោយ លេខ២គឺ ជប៉ុន មាន៥៤៧ហាងនិងជាប្រទេសនាំមុខគេនៅអាស៊ី ហើយជារឿយៗត្រូវបានគេចាត់ទុកថាជាប្រទេសដែលមាន គុណភាពផ្កាយខ្ពស់បំផុត ដោយទីក្រុងតូក្យូតែឯង មានហាងផ្កាយច្រើនជាងទីក្រុងណាៗផ្សេងទៀតនៅលើពិភពលោក។ លេខ៣គឺអ៊ីតាលី លេខ៤គឺអាល្លឺម៉ង់ លេខ៥គឺអេស្ប៉ាញ លេខ៦គឺសហរដ្ឋអាម៉េរិក លេខ៧គឺចក្រភពអង់គ្លេស លេខ៨គឺបែលហ្សីក លេខ៩គឺស្វីស និងលេខ១០គឺចិនប្រជាមានិត។ សម្រាប់នៅក្នុងតំបន់អាស៊ានយើងវិញប្រទេសដែលមានហាងមានផ្កាយមីសិលីនច្រើនជាងគេគឺសៀមមាន៤៣ តាមដោយសិង្ហបុរីមាន៤២ហាង វៀតណាម៩ហាង និងម៉ាឡេស៊ីចំនួន៤ហាង។ សម្រាប់ប្រទេសផ្សេងទៀតដូចជាកម្ពុជា លាវ ភូមា ព្រុយណេ និងទីម័រខាងកើត មិនទាន់ត្រូវបានបញ្ចូលទៅក្នុងប្រព័ន្ធចំណាត់ថ្នាក់ផ្កាយ និងមគ្គុទេសក៍ មីសិលីននេះនៅឡើយទេ។

តើមានកត្តាអ្វីខ្លះដែល Michelin ពិចារណា?
ការសម្រេចចិត្តក្នុងការពង្រីកមគ្គុទ្ទេសក៍ទៅកាន់ប្រទេសថ្មីមួយ គឺផ្អែកលើកត្តាជាច្រើន រួមមាន៖
1. សក្តានុពលទីផ្សារ (Market Potential): Michelin ជាធម្មតាពង្រីកទៅកាន់ទីក្រុង ឬប្រទេសណា ដែលមានសក្តានុពលទេសចរណ៍ខ្ពស់ និងមានសេដ្ឋកិច្ចរីកចម្រើន ដែលអាចទ្រទ្រង់ទីផ្សារសំបកកង់ (អាជីវកម្មស្នូលរបស់ Michelin) និងការលក់សៀវភៅណែនាំ។
2. ភាពចម្រុះនៃម្ហូបអាហារ (Culinary Diversity): ទីក្រុងនោះត្រូវតែមានទិដ្ឋភាពម្ហូបអាហារដ៏សម្បូរបែប និងមានគុណភាពខ្ពស់ ចាប់ពីអាហារតាមចិញ្ចើមផ្លូវ (Street Food) រហូតដល់ហាងអាហារប្រណីត(Fine Dining)។
3. ការចំណាយលើប្រតិបត្តិការ (Operation Cost): ការបោះពុម្ពផ្សាយ និងការថែរក្សាមគ្គុទ្ទេសក៍ទាមទារការចំណាយខ្ពស់ក្នុងការបញ្ជូនក្រុមអ្នកត្រួតពិនិត្យអន្តរជាតិចូលក្នុងតំបន់ជាប្រចាំ។

ជំហាន និងលក្ខខណ្ឌដើម្បីទទួលបានការវាយតម្លៃ Michelin
1. ការទាក់ទង និងកិច្ចសហប្រតិបត្តិការជាមួយ Michelin Group (ក្រុមហ៊ុនមេ)
ប្រទេស/ទីក្រុងត្រូវតែមាន បំណងប្រាថ្នាចង់ចូលរួម និងត្រូវផ្តួចផ្តើមការពិភាក្សាជាមួយក្រុមហ៊ុន Michelin។
• ការឧបត្ថម្ភធន (Sponsorship/Funding): ជាញឹកញាប់ ការបោះពុម្ពផ្សាយមគ្គុទ្ទេសក៍ Michelin នៅក្នុងទីក្រុងថ្មីតម្រូវឱ្យមាន ការឧបត្ថម្ភធនហិរញ្ញវត្ថុដ៏ធំ ពីអង្គភាពក្នុងស្រុក។ នេះអាចជាអាជ្ញាធរទេសចរណ៍ជាតិ (ដូចជាក្រសួងទេសចរណ៍) ក្រុមប្រឹក្សាទេសចរណ៍ទីក្រុង ឬដៃគូឯកជនធំៗ។ ថវិកានេះគឺសម្រាប់រ៉ាប់រងលើប្រតិបត្តិការ និងការចំណាយរបស់ក្រុមអ្នកត្រួតពិនិត្យអន្តរជាតិ។
2. ការវាយតម្លៃពីសំណាក់ក្រុមអ្នកត្រួតពិនិត្យ (Inspectors)
ប្រសិនបើមានកិច្ចព្រមព្រៀង ក្រុមហ៊ុន Michelin នឹងបញ្ជូនក្រុម អ្នកត្រួតពិនិត្យសម្ងាត់ (Anonymous Inspectors) របស់ខ្លួនទៅក្នុងប្រទេសនោះ។
• រយៈពេលនៃការវាយតម្លៃ៖ អ្នកត្រួតពិនិត្យនឹងស្នាក់នៅ និងធ្វើការវាយតម្លៃដោយសម្ងាត់ក្នុងរយៈពេល យ៉ាងតិច ១៨ ខែ ទៅ ២ ឆ្នាំ មុននឹងការបោះពុម្ពផ្សាយដំបូង។
• លក្ខណៈវិនិច្ឆ័យរួម (Five Universal Criteria): ពួកគេនឹងវាយតម្លៃហាងអាហាររាប់រយហាងដោយផ្អែកលើលក្ខណៈវិនិច្ឆ័យរួម ៥ យ៉ាងរបស់ Michelin៖
1. គុណភាពនៃវត្ថុធាតុដើម
2. ជំនាញក្នុងការចម្អិនអាហារ និងការផ្សំរសជាតិ
3. ភាពច្នៃប្រឌិត និងលក្ខណៈផ្ទាល់ខ្លួនរបស់មេចុងភៅ
4. តម្លៃសមរម្យធៀបនឹងគុណភាព
5. ភាពជាប់លាប់នៃគុណភាពទាំងពេលទៅញ៉ាំលើកដំបូង និងលើកបន្តបន្ទាប់
3. លក្ខខណ្ឌនៃទីផ្សារម្ហូបអាហារ
ប្រទេស/ទីក្រុងនោះត្រូវតែមានទីផ្សារម្ហូបអាហារដែល៖
• មានភាពចម្រុះ: ត្រូវតែមានហាងអាហារប្រណីតលំដាប់ខ្ពស់ (Fine Dining) និងអាហារតាមចិញ្ចើមផ្លូវ (Street Food) ដែលមានគុណភាពលេចធ្លោ។
• មានស្ថិរភាព: ឧស្សាហកម្មម្ហូបអាហារត្រូវតែមានភាពរីកចម្រើននិងមានស្ថិរភាព។
• មានសក្តានុពលអន្តរជាតិ: អាចទាក់ទាញភ្ញៀវទេសចរអន្តរជាតិដែលស្វែងរកបទពិសោធន៍ម្ហូបអាហារល្អបំផុត។

សម្រាប់ប្រទេសកម្ពុជា ជំហានសំខាន់បំផុតគឺការឈានទៅដល់កិច្ចព្រមព្រៀងហិរញ្ញវត្ថុ និងយុទ្ធសាស្ត្រ ជាមួយ Michelin Group ដើម្បីអញ្ជើញពួកគេចូលមកបោះពុម្ពផ្សាយជាផ្លូវការ។ កន្លងមកយើងជឿថា ហាងអាហារនៅកម្ពុជាជាច្រើនប្រហែលជាមានគុណភាពលំដាប់ផ្កាយ Michelin រួចទៅហើយ ព្រោះមានហាងជាច្រើនបង្ហាញថា ទិដ្ឋភាពម្ហូបអាហារនៅកម្ពុជាមានគុណភាពលំដាប់ថ្នាក់ពិភពលោក និងត្រូវបានទទួលស្គាល់ដោយកម្មវិធីពានរង្វាន់ និងវេទិកាអន្តរជាតិផ្សេងៗ។ ឧទាហរណ៍ជាក់ស្តែងបំផុតនោះគឺ ខ្ញុំធ្លាប់បានទៅទទួលទានបបរគ្រឿងលំដាប់ផ្កាយមីសិលីនមួយ តែរសជាតិសម្រាប់ខ្ញុំដែលធ្លាប់ជាគណៈកម្មការភ្លក់ម្ហូបអាស៊ានមួយនោះ ចាញ់បបរនៅទួលទំពូង ឬបបរវិមានឯករាជ្យផង។
ដរាបណា MICHELIN Guide Cambodia មិនទាន់ត្រូវបានបោះពុម្ពផ្សាយជាផ្លូវការទេ ហាងទាំងនោះក៏មិនអាចទទួលបានពានរង្វាន់នោះដែរ។ ការទទួលបាន MICHELIN Star គឺគ្រាន់តែជារឿងពេលវេលាប៉ុណ្ណោះ នៅពេលដែលក្រុមហ៊ុន Michelin សម្រេចពង្រីកមគ្គុទ្ទេសក៍របស់ខ្លួនមកដល់កម្ពុជាជាផ្លូវការ។

ជាសញ្ញាវិជ្ជមាន កាលពីខែតុលាកន្លងមកនេះសណ្ឋាគារមួយចំនួននៅកម្ពុជាទទួលបានពានរង្វាន់ MICHELIN Keys ផងដែរដែលនេះបង្ហាញថាក្រុមគេនេះបានកំពុងផ្ដោតការយកចិត្តទុកដាក់លើវិស័យបដិសណ្ឋារកិច្ច និងទេសចរណ៍របស់កម្ពុជាដែលអាចនាំទៅដល់ការបោះពុម្ពផ្សាយមគ្គុទ្ទេសក៍អាហារនៅពេលអនាគត។
ខ្ញុំជឿជាក់ថារឿងរ៉ាវទាំងនេះ ក្រសួងទេសចរណ៍ប្រាកដជាបានគិតគូរយ៉ាងល្អិតល្អន់ និងមានយុទ្ធសាស្រ្តច្បាស់លាស់ហើយ គ្រាន់តែមិនបង្ហាញឲ្យយើងជារាស្រ្តសាមញ្ញដឹងប៉ុណ្ណោះ។

ព័ត៌មានលម្អិតពិស្តារ សូមចូលទៅគេហទំព័រ MICHELIN Guide — Article Mr. Mao Vutha

14/11/2025

📣 ព្រឹត្តិការណ៍ម្ហូបអាហារសប្បុរសធម៌ ២១ - ២៣ ខែវិច្ឆិកា ឆ្នាំ២០២៥ @ភ្នំពេញស៊ីធីសេនធ័រ - Phnom City Center !

19/09/2025

សមាជិក ៣ រូប នៃសមាគមចុងភៅកម្ពុជា​ នឹងចូលរួមក្នុងកម្មវិធីប្រកួតធ្វើម្ហូបដ៏ធំមួយ ប្រចាំនៅប្រទេសម៉ាឡេស៊ី លើវិញ្ញាសា Mamee Asian Culinary Cup នៅឯទីក្រុងកូឡាឡាំពួ ចាប់ពីថ្ងៃទី ២៣-២៦ កញ្ញា ២០២៥

ជូនពរសំណាងល្អ!

3 talented members of Cambodia Chefs Association are set to represent the nation in a prestigious international competition "Mamee Asian Culinary Cup" in Kuala Lumpur, Malaysia​ on 23-26 September 2025! 🇰🇭✨🍳

Get ready to cheer them on the reginonal stage!

#សមាគមចុងភៅកម្ពុជា #ចុងភៅកម្ពុជា

16/09/2025

បង្អែម «ពងក្នុងសំបុក» របស់មេចុងភៅ សៅ សុភ័ក្រ ជាប់លេខមួយក្នុងពិរព័រណ៌នៅបារាំង

បង្អែម "ពងក្នុងសំបុក" ( Œuf dans le nid) របស់មេចុងភៅ សៅ សុភ័ក្រ ពីកម្ពុជា ទទួលបានពានរង្វាន់លេខ១ក្នុងការប្រកួត នាឱកាសតាំងពិព័រណ៌ម្ហូបអាហារអន្តរជាតិ(VILLAGE INTERNATIONAL DE LA GASTRONOMIE) នៅថ្ងៃទី ១៤ ខែកញ្ញា នៅទីក្រុងប៉ារីស ។

ពិព័រណ៌ម្ហូបអាហារអន្តរជាតិ(VILLAGE INTERNATIONAL DE LA GASTRONOMIE) ត្រូវបានរៀបចំឡើង ពីថ្ងៃទី១១ ដល់ថ្ងៃទី១៤ ខែកញ្ញា នៅទីក្រុងប៉ារីស តាមដងទន្លេសែន ទល់មុខ Tour Eiffel ដោយមានការចូលរួមពីបណ្តាប្រទេស និងតំបន់ចំនួន៦២លើពិភពលោក។

សម្រាប់លោក លុយ ដាវីត ឯកអគ្គរាជទូតកម្ពុជាប្រចាំប្រទេសបារាំង នេះជាមោទនភាព ដែលត្រូវបានជ្រើសរើសជាប្រទេសកិត្តិយស (Pays a l’honneur) ក្នុងការតាំងពិពណ៌ម្ហូបអាហារអន្តរជាតិមួយនេះ។

នៅក្នុងនោះដែរកម្ពុជា បានដាក់តាំង ផលិតផលក្នុងស្រុករបស់យើងមានដូចជា ម្រេចខ្មៅកំពត គ្រាប់ស្វាយចន្ទី ដំណាប់ស្វាយ ស្ករត្នោត នំសំរ៉ន់គ្រប់ប្រភេទ ប្រហុក ក្រម៉ាខ្មែរ និងផលិតផលជាច្រើនទៀត ជាមួយគ្នានេះយើងក៏មានមេចុងភៅ សៅ សុភ័ក្រ និងសាលារៀន PAUL DUBRULE បានចំអិនម្ហូបខ្មែរបង្ហាញជូនភ្ញៀវអន្តរជាតិបានស្គាល់ និងភ្លក្សរសជាតិផងដែរ។

ក្នុងព្រឹត្តិការណ៍នោះ កម្ពុជាក៏បានបង្ហាញអំពីទស្សនីយភាពសិល្បៈ និងកម្មវិធីវប្បធម៌ផ្សេងៗផងដែរ ដូចជា ការបកស្រាយចម្រៀងរបស់តារាចម្រៀង កុយ វណ្ណា, ការសម្តែងក្បាច់គុនល្បុក្កតោ, របាំក្រមា, របាំទេពមនោរម្យ (សម្រស់មយូរី), ការដើរម៉ូដរបស់ក្រុមបវរកញ្ញាកម្ពុជានៅបារាំង និងសកម្មភាពផ្សេងទៀត៕

ប្រភពរូបថត៖ ហ្វេសប៊ុក — ១៦/៩/២៥