13/01/2025
یہ اسلام آباد کے سیکٹر E11/2 کے مرکز میں ایک کیفے ہے Partea کے نام سے ۔۔۔۔
یہ انڈے بیچنے والے دو لڑکے اس کیفے پر جاتے ہیں اور مرضی کی چیز آرڈر کرتے ہیں کھاتے ہیں اور بغیر پیسے دئیے نکل جاتے ہیں ۔۔
میں نے مالک سے پوچھا کہ یار یہ کیا ماجرا ہے جیسے ہی وہ چھوٹے بچے اندر داخل ہوئے تو نے سٹاف کو آواز لگائی کہ چلو بھئی ریگولر کسٹمرز آ گئے ہیں ان کا آرڈر نوٹ کرو۔۔تو کیفے کا مالک بولا ۔۔۔
یہ پہلے دن سے میرے مہمان ہیں ٹھنڈ میں روز اپنے گھر والوں کی خواہشات کوپورا کرنے اور گھر منتظر لوگوں کے پیٹ بھرنے کا سامان کرنے کی غرض سے دس بجے رات تک یہ پھرتے ہیں لوگوں کے سخت مزاجوں کا غصوں کا جھڑکیوں کا سرد ہوا کا بارش کا ہر چیز کا ڈٹ کر مقابلہ کرتے ہیں ۔۔۔
میں ان کی حوصلہ افزائی ان کو مفت چائے سوپ یا جو یہ چاہیں دے کر کرتا ہوں ۔۔۔
ایک جوتے پالش کرنے والا سائیں اور دو یہ بچے میرے ریگولر کسٹمرز ہیں جسکی پیمٹ اللہ کسی نا کسی طریقہ سے کروا دیتا ہے ۔۔۔
مجھے یہ منظر بہت خوبصورت لگا۔ ہمارے معاشرے میں ہر جگہ ایسے بچے پھر رہے ہیں آپ بھی انکو ریگولر کسٹمرز بنائیں اور پیمنٹ اللہ سے لیں ۔۔۔
وسلام
