11/10/2024
အဖေ့မှာတမ်း
-----------------
အသက် ၃၅ နှစ်အရွယ် သားဖြစ်သူကို ဖခင်က ဆုံးမသည့်စကားအချို့ ဖြစ်ပါသည်။
သား
ပြောဖို့မလိုတာကို မပြောမိအောင် ကိုယ့်နှုတ်ကို စောင့်ထိန်းပြီး နေနိုင်အောင် ကြိုးစားပါ။
မလိုအပ်တဲ့ စိတ်သောကတွေ ကိုယ့်ဆီကို မရောက်လာဖို့ဆိုတာ တိတ်တိတ်လေး နေတတ်ဖို့ လိုပါတယ်။
သားထက် ပိုပြီးတော့ တော်တဲ့သူတွေကိုရှာပါ။ သူတို့နဲ့အတူတူ အလုပ်လုပ်ပါ။ သူတို့ကို ဘယ်တော့မှ လိုက်ပြီးတော့ မပြိုင်ပါနဲ့။
ကိုယ့်ဘဝမှာ ရလာတဲ့ မိသားစုထက်၊ ကိုယ်တိုင်က ဖန်တီးတည်ဆောက်ထားတဲ့ မိသားစုက ပိုပြီး အရေးကြီး တယ်။
သားလက်ရှိလုပ်နေတဲ့ အလုပ်ကို ဘဝကြီးတစ်ခုလို့ မထင်ပါနဲ့သား။ သားကို အဲဒီအလုပ်က ကောင်းကောင်း ပေးထားတယ်ဆိုတာ သားစိတ်ကူးအိပ်မက်တွေကို သတ်ပစ်ထားဖို့ပါ။
ဟိုပြော သည်ပြောတွေကို သိပ်နားမထောင်နဲ့သား။ ဘာဖြစ်လိုလဲ သိလား အဲဒီလိုပြောနေတဲ့သူတွေကိုယ် တိုင်က သူတို့ပြောတာတွေကို တစ်ခုမှ လုပ်ခဲ့ကြသူတွေ မဟုတ်ဘူး။
သားဘဝကို ဆွဲချမယ့်သူတွေကို သတိထားပါသား။ သူတို့မှာ ဘာရည်ရွယ်ချက် ပန်းတိုင်မှာ မရှိဘူး။ ဦးတည်ချက်တွေလည်း ပျောက်နေတတ်တယ်။ သူတို့မှာ ဆုံးဖြတ်ချက်နဲ့ ခိုင်ခိုင်မာမာ လုပ်မယ်ဆိုတာ တွေလည်း တစ်ခုမှ မရှိတတ်ဘူး။ အဲဒီလို လမ်းပျောက်နေတဲ့သူတွေကို နမူနာယူပြီး ကိုယ့်လမ်းကိုယ်ဖောက်၊ ကိုယ့်လမ်းကိုယ်လျှောက်နိုင်အောင် ကြိုးစားပါ။
အဖေ့မှာ မိတ်ဆွေ သုံးမျိုးပဲရှိတယ်သား
(၁) ကိုယ့်ကို ပျော်ရွှင်စေသူ
(၂) ကိုယ့်အောင်မြင်မှုကို အထောက်အပံ့ပေးသူ
(၃) ကိုယ့်အိပ်မက်တွေကို အားပေးအားမြှောက်လုပ်သူ
အဖေ့မှာ ရန်သူ သုံးမျိုးလည်း ရှိသေးတယ်
(၁) ငပျင်းတွေ
(၂) အတ္တသမားတွေ
(၃) မနာလို ဝန်တိုတတ်သူတွေ
သား ကိုယ့်မိဘတွေကို အပြစ်တင်နေမယ့်အစား ခွင့်လွှတ်ပြီး နေနိုင်အောင် ကြိုးစားပါ။
ဘယ်သူမှ သားကို မကယ်တင်နိုင်ဘူးဆိုတာ သဘောပေါက်ထားပါ။ ကိုယ့်ဘဝအတွက် ရာနှုန်းပြည့် တာဝန်ရှိ သူဟာ မိမိကိုယ်တိုင်သာဖြစ်တယ်။
သားဘဝမှ အဓိကထားပြီး လုပ်ဆောင်သင့်တာက ငွေရှာပါ၊ အောင်မြင်အောင် လုပ်ပါ၊ မိသားစုဘဝတစ်ခုကို ထူထောင်နိုင်အောင် လုပ်ပါ။
သားရေ အောင်မြင်ရေးစာအုပ် ၁၀၀ လောက်ကို လိုက်မဖတ်နေပါနဲ့။ အောင်မြင်ဖို့ဆိုတာ ကိုယ်တိုင် ကြိုးစား၊ ကိုယ်တိုင် လုပ်ဆောင်၊ ကိုယ်တိုင် စည်းနဲ့ကမ်းနဲ့ နေ။
ဘဝမှာ အောင်မြင်ဖို့ဆိုတာ
ကိုယ့်စိတ်နှလုံးကို ကိုယ်တိုင်ကယုံကြည်
ကိုယ့်လမ်းကို တည့်မတ်စွာ လျှောက်နိုင်အောင် ကြိုးစား
ကိုယ့်အမြင်တွေကို ဖုံးကွယ်နေတဲ့ အရာတွေကို ဖယ်ရှားပါကွယ်။
(Ref: My Dad Once Told Me)
တင်ညွန့်
Crd
မေတ္တာဖြင့်ပြန်လည်မျှဝေပါတယ်
#မေတ္တာဖြင့်ပြန်လည်မျှဝေလိုက်ပါသည် #ကုသိုလ်ကောင်းမှုများကိုမမေ့မလျော့ပြုနိုင်ကြပါစေ
