28/01/2026
ကျွန်တော် လေးစားရတဲ့
Dr. Phyo Paing ဆိုတဲ့ နာမည်တစ်ခုကို
လူအများထဲမှာ ခွဲခြားထင်ရှားစေတဲ့အရာက
သူ့ရဲ့ mindset ပါ။
သူပြောတဲ့ စကားတွေမှာ
တိုက်ခိုက်ချင်တဲ့ သဘောမရှိဘူး၊
ကိုယ့်လမ်းကိုယ်လျောက်ပြီး
လုပ်စရာရှိတာကို လုပ်တယ်၊
ဒါပေမဲ့ အဲ့ဒီအရာတွေကို
တစ်ဆင့်ကျော်ပြီး စဉ်းစားနိုင်တဲ့သူဖြစ်တယ်။
သူပြောတဲ့ အကြောင်းအရာတွေထဲမှာ
တရုတ်လူမျိုးတွေရဲ့ အတွေးအခေါ်နဲ့
မြန်မာလူမျိုးတွေရဲ့ အတွေးအခေါ်ကို
နှိုင်းယှဉ်ပြထားတာက
စဉ်းစားစရာအရမ်းကောင်းတယ်။
မြန်မာအိမ်တွေမှာတော့
အမေတွေက
“အလုပ်မအဆင်မပြေရင် ပြန်ခဲ့၊ စိတ်မပူနဲ့”
လို့ ပြောတတ်ကြတယ်။
အဲ့ဒီစကားတွေက
ချစ်ခြင်းကြောင့်ပဲဆိုတာ နားလည်ပေမဲ့
အချို့အခါမှာ
ကျွနါတော်တို့ကို အားနည်းစေတတ်တယ် လို့ ထင်မိတယ်။
တရုတ်လူမျိုးတွေရဲ့ မိဘတွေကတော့
မဖြစ်မနေ ဖြစ်အောင်လုပ်ရမယ်၊
အခက်အခဲဆိုတာ
မင်းကို စမ်းသပ်နေတာပဲ
ဆိုတဲ့ mindset ကို
ငယ်ငယ်ကတည်းက ရိုက်သွင်းထားတတ်ကြတယ်။
မိဘတွေကို အပြစ်မတင်ပါဘူး။
အဲ့ဒါက သူတို့ရဲ့ ချစ်ခြင်း၊
ကာကွယ်ချင်တဲ့ စိတ်ကြောင့်ပဲ။
ဒါပေမဲ့ အဲ့ဒီအမြင်ကိုတော့
ပြင်ဆင်ဖို့ လိုနေပြီလို့ ထင်တယ်။
Facebook ကို ကြည့်လိုက်ရင်လည်း
တကယ့်အလုပ်လုပ်ပြီး
လူ့အဖွဲ့အစည်းအတွက်
အနစ်နာခံပေးနေတဲ့သူတွေကို
လေးစားတန်ဖိုးထားမှန်းမသိဘဲ
တစ်လွဲ ဝမ်းနည်းမှုတွေ၊
အဓိပ္ပါယ်မဲ့ အကြောင်းအရာတွေကို
ပိုပြီး တွေ့နေရတာ စိတ်မသက်သာစရာပါ။
လူငယ်တွေမှာ
အတွေးအခေါ် နိမ့်ပါးနေရတာဟာ
ပညာရေး အားနည်းခြင်း၊
ဗဟုသုတ မလုံလောက်ခြင်း၊
ငယ်စဉ်က ဖြတ်သန်းခဲ့ရတဲ့
ပတ်ဝန်းကျင်ကြောင့်ပဲလို့ ထင်တယ်။
ကျွန်တော်ပါ အပါအဝင်ပေါ့😁။
ရိုးရာဓလေ့ဆိုတဲ့ ခေါင်းစဉ်အောက်မှာ
အမြတ်ထုတ်လုပ်စားနေတဲ့ လူတွေ
အထူးသဖြင့်
ဘာသာရေးနယ်ပယ်ထဲမှာ
ပိုပြီး တွေ့နေရတာ စိတ်ပျက်စရာပါ။
သန့်ရှင်းတဲ့ ဘာသာရေးအနှစ်သာရက
လူတွေရဲ့ လောဘကြောင့်
ပျက်စီးလာနေတာကို မြင်ရတယ်။
အဲ့ဒါကြောင့်
ဘာသာရေးရဲ့ အနှစ်သာရဆိုတာ
ဘာလဲဆိုတာတောင်
မသေချာတော့သလို ခံစားရတယ်။
ရိုးရာဓလေ့ဆိုပြီး
လူတွေ လိုလာသိမ်းသွင်းထားတဲ့
စနစ်ကြီးတစ်ခုက
အလုပ်ဖြစ်နေလို့
ကိုယ်တိုင်ကတော့ မကြိုက်ဘူး။
ဒီလို ပြောရင်
အဆဲခံရကောင်း ခံရနိုင်တယ် 😆😁
ဒါပေမဲ့
စဉ်းစားဖို့တော့ လိုနေပြီလို့ ထင်တယ်။
Octopus 🐙
